Popular Bible Verses from JEREMIAH 7

Share

Izipt ram ihsin nan pu le nan pa pawl ka hruaisuak laiah mei-ur thawinak le thawinak dangdang tuah ding zianghman thu ka pe lo. Sikhalsehla thukham pakhat ka pek: Ka thu ngai uh tiah thu ka pek a si. Ka thu nan ngai ahcun keimah hi nan Pathian ka si ding ih nannih cu ka minung nan si ding. Cuih tlunah ka thu pekmi vekin nung uhla nan hrangah ziang hmuahhmuah a tluang ding tiah feltein ka sim a si.

Asinain ka thu nan thlun lo ih zianghman ah nan siar lo. Nan thinlung siava le thinlung ruh ih duhnak vekin ziangzongza nan tuah sawn ih ṭhat lam pan lo in siat lam nan pan vivo sawn.

“Nan nuncan thleng uhla thil nan tidaan khal ṭhin uh. Pakhat le pakhat dingthluk lairelnak thawn pawl aw uh. Ramdang mi, farah ngakṭah le nuhmei pawl kha hmuhsuam hlah uh. Hi ram sungah hin mawh nei lo pawl ih thisen cu suakter nawn hlah uh! Khawzing dang biak khal cawl thlang uh. Ziangahtile cu pawl cu a lo siatsuahtu an si ding. Nan nun nan ṭhin asile nan pu le nan pa hnenih kumkhua hrangih ka pek ciami hi ram sungah hin reipi ka lo umter hai ding.

BAWIPA in Judah mi pawl ih Pathian an biaknak Biakinn ih kotka ah i thlah. Cutawkah ding tahratin Cungnungbik BAWIPA, Israel ih Pathian in a thu than dingah i fial. An hnenah, “Nan nuncan thleng uhla nan thil tidaan khal ṭhin uh. Cuticun hi hmun ahhin reipi ka lo umter ding.