Popular Bible Verses from SEEMTIRNAK 39

Share

BAWIPA cu Josef hnenah a um ih a hrangah ziang hmuahhmuah a tluang thluh. Josef cu Izipt mi a bawipa ih inn ah a um.

Potifar in a neihmi hmuahhmuah cu Josef kutah a ret ṭheh ih a eimi rawl siar lo zianghman a ruah ṭulmi a um lo. Josef cu a ruangrai a ṭhazet ih a piangzet fawn.

Curuangah thawngtla pawl kilkhawitu-ah Josef cu a tuah ih thawnginn sungih thil a cangmi hmuahhmuah zohtu-ah a ret.

Josef cu a kai ih siangpahrang ih thawngtla pawl an retnak thawnginn ah a ret. Cutawkah Josef cu thawng sungah a um. Sikhalsehla BAWIPA Pathian cu Josef hnenah a um ih a zaangfah hrangah thawnginn uktu bawipa khal Josef parah zaangfahnak thinlung a neihter.

Caan a rei deuh tikah a bawipa ih nupi in Josef cu sualpi duhnak mit in a zoh ringring. Voikhat ah a bawipa ih nupi in, “Ka hnenah ra it aw,” ti ah Josef cu a leem. Asinain Josef cun a el ih a hnenah, “Keimah hitawk ih ka um ruangah ka bawipa in hi innsungsang thuhla pawl zianghman a helhkam ṭul loin a um. A neihmi hmuahhmuah kilkhawitu-ah i tuah a si. Hi innsungah amah tlukin thu ka nei ih a nupi nangmah siar lo a dang zianghman ka hrangah uimi a nei lo. Cuti a si hrangah ziangtinso cutluk thilsia ka tuah ding ih Pathian hmaiah ka sual ding?” ti ah a ti.

Asinain ni khatah Josef cu innsung hnaṭuan ṭuan dingah a lut ih midang zohman inn sungah an um lo. Cutikah a bawinu cun Josef cu a angki in a kai ih, “Ka hnenah it aw,” ti ah a ti. Asinain Josef cu lengah a tlansuak ih a angki cu a bawinu ih kutah a taangta.