Popular Bible Verses from SEEMTIRNAK 32

Share

Cule mi pa in, “Atu thok ihsin na hmin cu Jakob a si nawn lo pei. Milai thawn siseh, Pathian thawn siseh nan tawng aw ih na neh ruangah na hmin cu Israel ti a si pei,” ti ah a ti.

Cutikah mi pa in, “I thlah aw, khua a van zik thlang hi!” ti ah a ti. Sikhalsehla Jakob cun, “I thlawsuah lo ahcun ka lo thlah lo ding,” ti ah a ti.

Amah lawng a rung taang. Cuih zanah mi pakhat in Jakob cu zing khuavang zik tiang a rung buan ciamco.

Jakob cun, “Pathian cu hmaiton tein ka tong zo; asinain ka nung lai a si,” ti ah a ti ih acuih hmun cu Peniel ti ah hmin a sak.

Jakob a neh thei lo ti kha a buantu pa in a theih tikah, Jakob ih khel kha a sawh in a sawh ih, an buan-awk rero laiah cun Jakob ih khel hlikhlok a pelh.

Cule mi pa in, “Na hmin zoso a si?” ti ah a sut ih Jakob in, “Jakob ka si,” a ti.

Cutikah Jakob in, “Na hmin i sim hram aw,” ti ah a dil. Anih in, “Ziangah so ka hmin i suh?” ti ah a ti ih cuih hnuah Jakob cu thluasuah a pek.

Kei na salpa hnenih na thlentermi na zaangfahnak le rinsantlak na sinak hi a cotu si dingah malte hman ka tlak lo. Zianghman nei loin kianghrol pakhat lawng thawn Jordan tiva ka rak tan; atu-ah cun minung le ṭilva bur hnih thawn ka ra kir sal zo.

Curuangah tuih san tiangin Israel ih tesinfa pawl cun sakhel hlikhlok parih satit ei loin an run iikta; ziangahtile Jakob ih khel sawhpelhnak a rak ton ruangah a si.

Cutikah Jakob cu thla a cam ih, “Maw Pathian, ka pu Abraham le ka pa Isaak ih Pathian, i ngai hram aw. BAWIPA, nangmah in, ‘Na khua le na sungkhat hnenah kir sal awla na hrangah na lamzin ka tluangter ding,’ i ti.

Curuangah ka u Esau ih kutsung ihsin, maw BAWIPA, i run hram aw. Ka u Esau a ra ding ih nunau le nauhak hman zuah loin in that thluh pang ding ti ka phang tuk a si.