Popular Bible Verses from SEEMTIRNAK 24

Share

Cutikah Abraham ih hnenum pa cu thla a cam ih, “Maw BAWIPA, ka bawipa Abraham ih Pathian, ka bawipa hnenih na thukammi kimter in tuihsun tikcu caanah i hlawhtlingter hram aw.

Fala pakhat hnenah, ‘Zaangfahte in na tithawl run ṭhum awla tidai ka in ding,’ ti ah ka ti pei ih anih in, ‘In aw, na kalauk pawl khal ti ka tul hai pei,’ ti ah a ti asile cuih fala cu na salpa Isaak hrangih na hrilmi fala si hram seh. Cutiih a can ngaingai le ka bawipa hnenih na thukam na kimter a si, ti ah ka thei ding,” ti ah a ti.

Cule Isaak in Rebekah cu a nu Sarah rak umnak puanthlam ah a hruai ih a nupi ah a cang. Isaak in Rebekah cu a duhdawt ih a nu Sarah thih hnuah amah hnemtu ah a cang.

Cun Rebekah cu hiti in thlaza an camsak: “Kan farnu, mi thawng tampi ih nu ah cang hram aw, Na tefa pawl in an raal ih khawpi pawl neh thluh hram hai seh,” ti ah an ti.

Van le lei ih Pathian BAWIPA ih hmai le ka hnenah, ka fapa Isaak ih nupi dingah ka umnak Kanaan ramih nunau ka la hrimhrim lo pei, ti ah siatserh in thu i tiam aw. A hlanih ka rak umnak ka khuaram ah na feh pei ih ka sungkhat pawl sung ihsin ka fapa ih hrangah nupi na va hawl pei,” ti ah a ti.