Popular Bible Verses from GALATI 5

Share

Sikhalsehla Thlarau ih a rahsuahmi cu duhdawtnak, lungawinak, hnangamnak, lungsaunak, mi zaangfahnak, ṭhatnak, rintlak sinak, nunnem tangdornak le suup theinak tla an si. Cubangtuk rah umnak ahcun daan cu a ṭul nawn lo.

Ka sim duhmi cu hiti in a si: Thlarau in nan nunzia a uk a si ahcun minung tisa hiarnak cu a di nan riamter lo pei.

Thlarau in nunnak in pek zo ruangah kan nunnak khal hi Thlarau amah in a uk ding a si.

Cule Jesuh Khrih ih ta a si mi pawl cun an taksa hurnak le hiarnak pawl cu thinglamtah ah an khenthat zo.

Cule minung tisa ih a tuahmi pawl tla cu a langfiang ko: nupa sualnak, a thiang lomi ziaza, a mawi lomi thil tuahnak, milem biaknak le dawi le cam tla hi an si. Pakhat le pakhat ral awknak le sual awknak, iksiknak le thinhengnak, tawh awknak, hamṭamnak le rem aw loin ṭhenṭhek awknak; nahsuahnak, zuritnak, zoh mawi loin laam le awn-aunak le hi bangtuk a dangdang tampi an tuah vivomi pawl hi an si. Ralrinnak thu hmaisa ih ka lo sim zo vekin ka nolh sal ding: cubangtuk a tuahtu pawl cu Pathian Uknak an co thei lo ding.

Asinain ka u le ka nau tla, nannih cu miluat si dingah kawhmi nan si. Sikhalsehla cuih luatnak cu nan taksa diriamternak ah canter hlah uh. Cuhnakin duhdawtnak thawn pakhat le pakhat rian aw in bawm aw ton uh.

Ziangahtile minung tisa duhnak le Thlarau duhnak cu an ral aw. Minung tisa ih duhmi kha Thlarau in a hua ih Thlarau ih duhmi kha tisa in a hua ve. Hi te pahnih cu an hua aw. Curuangah a si na duhmi kha na tuah thei lo.

Ziangahtile Daan hmuahhmuah cu, “Nangmah na duh awk vekin na innhnen na duhdaw pei,” timi thukham pakhat sungah hin a kim ṭheh a si.

Puarthau ding kan si lo; pakhat le pakhat thinṭeuter aw ding kan si lo; iksiik aw ding khal kan si lo.

Khrih in in luatter zo ih miluat kan si zo. Curuangah fektein ding uhla sal cang sal nawn hlah uh.