Popular Bible Verses from EFESA 1

Share

Ziangbangtuk ruahsannak nei dingah so a lo kawh ih a minung pawl hrangah a tiamkam ciami cu ziangtluk mangbangza so a si. Amah a zumtu pawl sungah a hnaṭuan theinak huham cu ziangtlukin so a tum, ti tla khi hmu thei dingin le a tleunak tla nan hmuh theinak dingah nan thinlung run ongter hram seh, tiah a hnenah thla ka cam a si. Kan sungih a ummi cahnak cu, Khrih thihnak ihsin a thawhter hnuah vancung khua a vorhlam kapih a totertu Pathian ih cahnak huham thotho kha a si. Cutawkah Khrih cu uktu a si ih vancungih uktu dangdang siseh, thuneitu dangdang siseh, bawi dangdang a ummi pawl tla siseh, an tlunah Khrih cu uktu bawi a si. Hi leikhawvel tlunah siseh, a ra leh dingmi leilung tlunah siseh, thuneitu pawl hmuahhmuahih tlunah Bawi bik a si.

Khrih thawn kan pehzom awknak thawngin Pathian in kannih cu Amah ih hmaiah mi thianghlim le mawh nei lo si dingin leilung a sersiam hlan hman in Amah ih ta-ah in rak hril zo. In duhdawt ruangah, Pathian in Jesuh Khrih thawngin a faale ah in canter ding cu a lungawi zawng le a duh zawng in rem a rak ruat cia a si.

Ziangahtile Khrih a thihnak thawngin kan sualnak cu ngaidam a si zo ih a luatmi kan si zo. Pathian in a zaangfahnak cu kan hnenah tam zetin in pek ruangah

Kan Bawipa Jesuh Khrih ih Pa le a Pathian cu thangṭhat si ko seh! Ziangahtile Khrih thawn kan pehzom awknak thawngin kan thlarau hrang van thlawsuahnak a phunphun kan hnenah in pe.