Popular Bible Verses from KOLOSE 3

Share

Pakhat le pakhat karah thinlung hmuh-awk lonak le phunzainak a um ahcun pakhat le pakhat zawi-awk theinak le ngaidamnak nei uh. Bawipa in a lo ngaidam vekin nannih tla pakhat le pakhat ngaidam aw ve uh.

Leilung tlun thil pawl ruat loin vancung thil pawl khi ruat sawn uh.

Ziang hmuahhmuah nan tuah tinkim ah milai hrangah si loin Bawipa hrangah kan ṭuan ti thinlung nei in nan thinlung taktein ṭuan uh.

Nannih cu Pathian ih minung nan si; a lo duhdawt hai ih amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung nemnak le thinsaunak pawl cu hnipuan bangtuk in hruk uh.

Khrih Thuthang ṭha cu nan thinlung sungah a tlamtlinnak phunzakip thawn cam ringring seh. Fimnak phunzakip thawn pakhat le pakhat zirh-aw in nunsim aw uh. Hlanawknak hla, thangṭhatnak hla le hla thiang pawl sa uh. Nan lungawinak hla in Pathian kha thangṭhat uh. Kan Pa Pathian cu Khrih sungin nan thangṭhat ruangah, ziang hmuahhmuah nan tuah ah siseh, nan simah siseh, Bawipa Jesuh hmin in tuah uhla sim uh.

Cule hibangtuk ziaza ṭha nan neihmi tlunah duhdawtnak beetcih uh; ziangahtile duhdawtnak cu ziangtinkim famkim zetih a finkhawmtu le rem ṭhepṭhep ih a tuahtu a si.

Nannih cu nunnak ah Khrih thawn thawhter nan si zo ruangah Pathian vorhlam kap Khrih tonak vancung khua ih thil ah khin nan thinlung bun uh.

Khrih ih a lo pekmi daihnak cu thu nan ruah nan relcatnak kipah a lo hotu-ah tuah uh; ziangahtile hi daihnak sungih um dingah Pathian in taksa ruang pakhat sungah a lo kawhmi nan si. Cule lungawi aipuang in um uh.

Nan sungih hna a ṭuantu leilung pumsa duhnak: nupa sualnak le zoh mawi lo nuncan, taksa hiarnak le hurnak le hamṭamnak pawl tla cu nunter nawn hlah uh. (Hamṭamnak tla cu milem biak phunkhat a si.)

Ziangahtile nan thi zo ih nan nunnak taktak cu Khrih thawn Pathian sungah thuh-in a um a si.

Sikhalsehla atu-ah cun cubangtuk taksa duhnak cu nan hlonfai ṭheh a ṭul: thinhengnak, aithawhnak le mi mitkemnak pawl cu hnong thlang uh. Mi hmuhsuamnak ṭong siseh, ṭongsia siseh, nan kaa sungin nan suahter lo pei.

Nan nun hlun nuncan ziaza cu nan phuak zo ruangah pakhat le pakhat bum aw nawn hlah uh; cule nun thar ziaza nan hruk aw zo ih cuih nun thar cu a siamtu Pathian in amah ih hmuihmel keng sinsin vivo dingin cat loin a tharter ringring. Cutiih a tharternak cu amah famkim zetih nan theihsuaknak ding hrangah a si.

Pasal pawl, nan nupi duhdaw uhla an hnenah awkam saang hmang hlah uh.

Nauhak pawl, Khristian nan si ruangah ziangtinkim ah nan nu le nan pa thu ngai uh. Cumi cu Pathian lungawitertu a si.

Nupi pawl, nan pasal thu ngai uh; ziangahtile Khristian nan si vekin cumicu nan tuah dingmi a si.