Popular Bible Verses from 2 THESALON 2

Share

Zohman in lo bum hlah hai seh. Ziangahtile neta bik Ralthawhnak a thlen hlan le hell ih tla dingmi Misualral pa a ra thlen hlanah cun Bawipa ih Ni cu a ra thleng lo ding.

Bawipa ih duhdawtmi u le nau tla, nanmah ruangah Pathian cu kan thangṭhat ringring ding. Ziangahtile Thlarau cahnak ruangah Pathian mi thianghlim ih canter dingah le thutak nan zumnak ruangah rundamnak ngah dingah Pathian ih hril hmaisa bikmi nan si.

Misualral pa cun midang in khawzing ih an ruahmi le biak dingih an ruahmi hmuahhmuah a dodal ding ih cu pawl ih tlunah a ret-aw ding. Pathian Biakinn sung khalah a lut ding ih to tahratin keimah hi Pathian ka si, a ti ding.

Kannih in duhdawt ih in zaangfah ruangah cat loin ralṭhatnak le a hngetmi beiseinak in petu kan Bawipa Jesuh Khrih Amah le kan Pa Pathian in, a ṭhami kha nan sim ih a tuah tla nan tuah theinak dingah ralṭhatnak le thazaang cahnak thawn lo khatter hram seh.

Curuangah Pathian in an hnenih hnaṭuan dingah sualpalhnak huham a thlak ih a dik lomi kha an zum.

Misualral pa cu Satan cahnak huham thawn a ra ding ih hmuhsaknak mak le khawruahharza a phunphun mi bumnak ah a tuah ding. A hloral ding pawl hnenah cun a ṭha lo zetmi mibumnak phunphun a hmang ding. Cu pawl cu an hloral ding, ziangahtile rundamnak ngahnak ding a ummi thutak kha an duh lo ih an cohlang fawn lo.

Misualral pa cu a thupte in hna a ṭuan rero zo; sikhalsehla a dawntu kha hmun dangih ṭhawn hlo a si hlanah cun a lang dingmi cu a lang thei hrih lo ding.