Popular Bible Verses from 1 TIMOTE 6

Share

Zumnak hrangih do awknak ahhin na tha neih patawp suah aw. Theihpitu tampi mithmuh ah na zumnak felfai zetih na rak phuan tikah Pathian ih a lo kawhsannak a si mi kumkhua nunnak hi kai-hnget aw.

Ziangahtile paisa duhtuk cu sualnak phunkip thoktu hram a si. Mihrek cun paisa neih an duhtuk ruangah kan zumnak an tlansan ih riahsiatnak in voi tampi an thinlung a kuaiter.

Biaknak in minung cu a lianter taktak, a neihzat parih lungkimnak a neih phot ahcun!

Kan suah pek laiah hi leilung parah ziangso kan suahpimi a um? Zianghman a um lo! Hi leilung ihsin kan ken theimi ziangso a um? Zianghman a um lo!

Milian pawl kha, “Leilung thilri sumsaw nan neih ruangah puarthau ding a si lo,” tiah thu sim aw. Rinsan tlak lo leilung tlun lennak ah an ruahsannak bun ding a si lo; kan nomnak hrangah ziang hmuahhmuah siangzet in in petu Pathian ah bun sawn hai seh.

Sikhalsehla len a duhtu pawl cu sualforhnak sungah an tla ih aat-thlak hna le ṭihnungza a si mi tisa duhnak thang sungah an awk aw. Cumi cun siatnak le hloralnak sungah a hnuk thla a si.

Thil ṭha tuah dingah le hnaṭuan ṭhatnak ah milian si sawn dingah le tirhsiangmi an si ih an neihmi kha midang hlawm siang dingah ralrinnak pe aw. Cu bangtuk in an thlun thei a si ahcun, hmailam hrangih hram ṭha a buntu an si ding ih ro sunglawi an khawl ding a si. Cuticun nunnak taktak cu an co suak ding a si.