Popular Bible Verses from 1 TIMOTE 2

Share

Ziangahtile Pathian pakhat lawng a um ih minung le Pathian karlakah remnak tuahtu minung palai pakhat a um. Cuih palai cu mi hmuahhmuah tlen dingah a nunnak a petu Khrih Jesuh a si. Cutiin a nunnak a pekmi cu Pathian in a tikcu a kim tikah mi hmuahhmuah rundamsuak a duh, ti langternak a si.

A hmaisa bikih ka lo fial duhmi cu mi hmuahhmuah hrangah Pathian hnenah thlacam uh, dil uh, midang ai-ah thlacam uhla lungawi thu sim uh, ti a si. Daite le hnangamte ih kan um theinak dingah le Pathian ṭihzahnak thawn ziaza ṭha ih kan nun theinak dingah siangpahrang le ramsung hotu upa pawl hrangah thla cam uhla Pathian hnenah dil uh.

Pathian biaknak hmun kipah mipa in thla cam hai seh ti ka duh. Pathian hnenah a pum a pe awmi thinhengnak le thu-el awknak um lotein mipa in an kut thlir in thla cam hai seh. Nunau khal a tawkzawn in um hai sehla zoh-mawi tawkin thuam aw hai seh. An sam an tom tikah a hleifuan in tom hlah hai seh; sui hlawnthil, lung mankhung le hnipuan mankhung zetzet thawn thuam aw hlah hai seh. Cuhnakin biaknak lamih a zuammi nunau an si ahcun ziaza ṭha in thuam aw sawn hai seh.