Popular Bible Verses from 1 PITER 5

Share

Nan donharnak hmuahhmuah cu Amah ih hnenah ṭhum uh, ziangahtile Amah cu nan zawn a lo ruattu a si.

Cule caan malte sung nan tuar hnuah zaangfahnak in a khatmi Khrih thawn nan pehzom awk ruangah amah thawn kumkhua sunlawinak hlawm aw dingih a lo kotu Pathian Amah rori in a lo famkimter ding ih hngetkhohnak le thazaang cahnak a lo pe ding.

Fimvarte in um uh! Ralringte in um uh! Nan ral Satan cu deh ding hawl ah a huuk reromi kiosa bangin a tawi a vak zok rero a si. Nan zumnak ah hngetkhoh uhla Satan cu do uh, ziangahtile leilung tlun khuazakipih a ummi Khristian unau pawl khal hi bangtuk in harsatnak hi an tuar rero ve a si ti kha nan thei.

Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisaang leh ding.

Cubangtuk thothoin nannih mino deuh pawl in kum upa deuh pawl ih thu kha nan ngai pei. Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, “Mi hngal pawl cu Pathian in a dodal ih tangdormi cu mithmai ṭha a pek a si,” tiah a ti.