Popular Bible Verses from 1 Timɔti 4

Share

Ɔ́kɛ́ rɔ mmu ámbyak wɔ bɛ́ ɔchí mɔ́nkwɛn. Bák ɛrɨŋ ntá abhɛn mánoko Yesu, ndǔ ɛyɔŋɔ́nyu yɛ, nɛ ndǔ nɛkʉ ywɛ, nɛ ndǔ ɛkɔŋ ɛyɛ, nɛ ndǔ nɛka ɛnɛ nɛ Yesu, nɛ ndǔ nɛpɛ́m ɛnɛ ɛnɛn nɛbhɨkɨ bhɔŋ bakwap.

Kʉ nɔ, mbɔnyunɛ nɛghɔkɔsǐ mmʉɛt ɛnɛ́n nkwɔmʉɛt nɛ́chyɛ̀ mmu mandu nsáy, kɛ bɛghɔkɔsǐ mmʉɛt ndu bɛ́kʉ̀ mmu ámbák anɛ ákʉ̀ mɛnyɨŋ ɛbhɛn Mandɛm áyàŋ, ǎchyɛ̀ mmu nsáy ndǔ yɛ̌ntɨkɨ mbi. Ɛchí ɛnyu yɔ mbɔnyunɛ nɛpɛ́m ɛnɔ nɛ́bhɔŋ bariɛp amɛm nsáy ndǔ nɛpɛ́m ɛnɛn fá amɨk nɛ ɛnɛ́n nɛ́twɔ̀ ambɨ.

Sɔt mpok nɛ mmʉɛt ɛyɛ nɛ mɛnyɨŋ ɛbhɛn ɔ́tɔ̀ŋ. Kɛ́m bɔ́ nɛ bɛtaŋ mbɔnyunɛ mbák ɔ́nkʉ ɛnyu yɔ, chɔŋ ɔ́mpɛmɛ mmʉɛt ɛyɛ nɛ bo abhɛn ɔ́tɔ̀ŋ.

Ɛfóŋó Mandɛm ǎghàti bhɛsɛ sayri bɛ mpok ǎtwɔ̀ anɛ mbɔk bho bárɔ bɛ́koŋo nɛtɔ́ŋ ɛnɛn tɛtɛp, mándɔbhɛ koŋo chí bɛfóŋó ɛbhɛ́n bɛ́rwɔ bho nɛ mɛnyɨŋ ɛbhɛn bɛfóŋó bɛbʉ́bɛbʉ bɛ́tɔ̀ŋ.

Ɔ́kɛ́ bhɔŋ yɛ̌nyɨŋ bɛ́kʉ nɛ bɛchákárí mbok ɛ̌ti bachǐmbɨ ɛnɛ́ ɛ́pú ka mmu ánchyɛ́ Mandɛm kɛnókó. Fíɛ́ bɛtaŋ ndu bɛkʉ nɛpɛ́m ɛnɛ nɛmbak mbɔ ɛnyu Mandɛm áyaŋ.

Ghɔ́ bɛ bápày Ɛyɔŋ Mandɛm ntá bho, nɛ ghɔ́ bɛ́ báfyɛ̀ bho ntɨ nɛ bɛ bátɔ̀ŋ Ɛyɔŋ Mandɛm. Kʉ nɔ, kpátɛ mpok anɛ mɛ̌twɔ̀ awu.