Popular Bible Verses from Markus 10

Share

Pwe pil Nain aramas sota kotido, pwe en papa i, a pwen papa ong irail, kida maur i wiliandi me toto.

Iesus ap kotin mamasani wong irail masani: A so kak pan aramas, a kaidin pan Kot; pwe ren Kot meakaros me kak.

Iesus ap kotin masani ong i: Ukewei! Om poson me kakelail uk ada. I ari madang kilangada wasa, ap idauen la Iesus.

Ari, meakot Kot kapad penaer, aramas der kamueit pasang!

Iesus ap kotin mamasani i o kupura, ap masani ong i: Me takis me lua, kowei, netikila meakaros, me koe aneki, ki ong me samama kan; om pai ap pan mi nanlang; ap kodo, ale om lopu idauen ia!

Iesus ap kotin sapeng masani ong i: Da me koe mauki, I en wiai ong uk? Me maskun o ap potoan ong: Rapuni, i men potoan kilang wasa.

Ari, due met sota pan wiaui nan pung omail. A me men laud nan pung omail, a en omail papa.

Melel I indai ong komail, meamen, me sota ale wein Kot rasong kisin seri men, a sota pan pedelong ong lole.

A me toto men moa, pan men murla, o men mur pan moala.

A nin tapin sappa a wiauiata: Kot a kotin wia ira da ol o li. I me aramas amen pan pededi sam a in a, pat ong eta a paud. Ira ari pan uduk eta eu, ira soer riamen, a uduk eta eu.