Popular Bible Verses from Ioanes 17

Share

Kasaraui kin ir ala melel, pwe me melel omui masan.

A iet maur soutuk: Ren asa komui la, me komui ta Kot melel, o Iesus Kristus, me komui kadarador.

A kaidin mepukat eta, me I kapakapaki, a pil irail, me pan poson ia pweki arail padak. Pwe irail karos en me ta men, duen komui Sam podidi ong ia o ngai ong komui, pwe irail en pil me ta men re ata, pwe sappa en poson, me komui kadar ia dor.

I sota kin poeki, komui en wa irail sang nin sappa, a pwe komui en pera wei sang irail me sued.

A lingan, me komui ki ong ia er, I ki ong irail er, pwe irail en me ta men, dueta kita me ta men. Ngai ong irail, o komui ong ia, pwe re en song laieu, pwe sappa en asa, me komui kadar ia dor, o pok ong irail, dueta komui pok ong ia er.