Popular Bible Verses from Matthaisioi Phrinzangpo 24

Share

Yang lasnganun thoskhan chhachi snyedika mangmoe rgalukspo grangmo chhok. Amma, juk thsaqpa thyaqpa bakhanpoa khomluks thobtuk.

Yang mithsirun tsoqa chhebjiargyastridi di rgaskadpo miyul saqeang gochukcha chhok; yang, detsana thama damsha in.

Ni, khyentanga thamoe rshmangeang yang thamoe speraun thsorcha yod, snanga jaqshik yang droqs madroqshik chiazerbana dyûn medkhamed chhacha in, amma darang thamao damsha men.

Chiazerbana rgyastrid nang rgyastrid, mithsir nang mithsir thamspa langsuk, yang malsa mangmoeka zanrshkon nang sangul chhok. Amma, dyûn jung naḵẖs-dombi ryaḵẖsao in.

Rshnam nang sao menma chhok amma, ngi speraun jikcha michha.

Chiazerbana mangmo ngi mingtaḵẖs peka yongnuk; yang rang Masih in zere zeruk; yang mangmo lamstorla tangnuk.

Detsana khongunis khyentang dombi laoa tangnuk, yang khyentang saduk; yang mithsirun jungis ngi mingtaḵẖspoe phya khyentanga khon bok. Yang detsana mi-mangmo ḵẖaṯe rgyabse eos eo zunma stanuk, yang, khontang chikchiga khon bok. Yang rdzoni khyenkhan mangmo bingse mangmo lamstorla tangnuk.

Yang Yeshus tamlaniang khonga mols : Suga kaṯo khyentang lamstorla tangkhanpoa snanga jaqshik!

Dephya khyentang saq chetaq songse dukshik. Chiazerbana khyenti sambeang medkhan dya dusthsod-peka Mi-i Bithsao yonged.

Dephya nyid thsade dukshik chiazerbana khyenti Ashipao ga thoeang skyoded zerchao khyentanga rshtaḵẖspa med.

Amma, de jaqpo nang dusthsodpo ngi atao tsa mene, suâng, rshnamuni skokhanunla-ang rshtaḵẖspa med.

Chiazer-bana rdzoni Masihun nang rdzoni khyenkhanun langsuk, yang taqdir khonga nyanna, rdamcha songkhanunang lamstorla tangmatsok base chhô rgyalbariks lasun nang stodpariks rshtaḵẖsnaun stanuk.

Amma, Noê dusiang songspana tsoḵẖspo Mi-i Buthsi skyodzoang chhok. Chiazerbana chhuloq basang snani jaqunika Noê nayoeang jukjuk thsaqpa miunis zen thungen, ane jaqen, daqpoa dugen yodpin. Yang chhuloqpo yongse khontang jung khyer khyerpo khongunla rshtaḵẖspa masongmin; dyanatsoḵẖspo Mi-i Buthsi skyodzoang chhok.