Popular Bible Verses from Metiu 21

Share

Tamon naagu inaxam paazaai, amun saan faakdul ina naagu maainung pana, naaguna zuruk.”

Naan ka xis naandi naako, “Ga vazei varatunaan nim, tamon naagu rauxin a inaxam paazaaiang ma xawit naagu rauxin ainaxamang urua, xat faraxas naaguna giu a zaan ina ga ra giu wana a iaai a fik angkari. Ma xat faraxas saait naaguna vazei a waatawut angkari malasing kari, ‘Tamaraat inaan ma gu psin nua nana raas,’ ma xana balas malasing kanaan.

Adi xulutung aubina ina dit paamuain Iesu ma naandi ina di ilas, dit firaai malasing kari, “Osaanaa zin a Natnaat Sin Dewit!” “A daxaiang ka waan sina ina xa wat pana aizina a Piran.” “Osaanaa ikula mase laaxur!”

Ma xa vazei naandi naako, “Di ra varaar vating lamaskana a Baar Xoxok malasing kari, ‘Dina vakilaan a vaal zurugu adu a vaal a maainungang, singsaxai nim naagu giu malasing a non iwana zikamang sin amun finaau.’ ”

“Fazei aubina in Zaaion malasing kari, ‘Naagu raamin a xalxaal zinim ka wat sinim, naan ka vamumut naan nanga, ma xa xawaas fawat a dongki, a dongki vaaxur, a naata dongki.’ ”

Ma Iesu xa xis naandi naako, “Malasing faa, xawit nanga naagu vakot a dorang kari lamaskana Baar Xoxok? Ka piaat malasing kari, ‘A vaat ina aubina di gigiu vaal di bain pizin, naan kanaan ka balas a varumaraiang a vaat iwana vaal. Nakmai xa ra giu azaan angkanaan ma xa marmari daxa wana rataamaaiang sin dia.’

Malasing ma ga vazei nim, Nakmai xana zuruk pizin a bikabar zina ziaana nim ma naana lis sin aubina a roroiang sin naandi xana vabalos a fnuaai daxa ina xat faraxas pana a bikabar zina.