Popular Bible Verses from مرقس 2

Share

یسُوع ایہ سُنڑ تے اُنہاں کُوں آکھیا، ”تندرُستاں کُوں حکیم دی لوڑ نئیں بلکہ بیماراں کُوں۔ مَیں راستبازاں کُوں نئیں بلکہ گُنہگاراں کُوں سڈݨ آیا ہاں۔“

یسُوع اُنہاں لوکاں دا اِیمان ڈیکھ تے فالج دے مریض کُوں آکھیا، ”پوتر، تیڈے گُناہ معاف تھئے۔“

وَل یسُوع اُنہاں کُوں آکھیا، ”سبت اِنسان کیتے بنڑایا گِیا ہے نہ جو اِنسان سبت کیتے۔

پر جِیں ویلے او اُوں بیمار کُوں بِھیڑ دی وجہ کنُوں اُوندے کولھ نہ گِھن آ سگے تاں چھت اُتے چڑھ گئے، تے اُنہاں چھت دا او حصہ اُکھیڑ ڈِتا جِتھاں یسُوع ہا تے اُونکُوں اُدھیڑ تے اُوں کَھٹ کُوں جیندے اُتے فالج دا مریض ہا لٹکا ڈِتا۔

پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا، ”مَیں تیکُوں آدھا ہاں جو اُٹھی تے آپنڑی کَھٹ چا تے گھر لگا وَنج۔“

کیا فالج دے مریض کُوں ایہ آکھنڑ اسان ہے جو ’تیڈے گُناہ معاف تھئے‘ یا ایہ آکھنڑ جو ’اُٹھی، آپنڑی کَھٹ چا تے ٹُر پِھر؟‘

او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“