Popular Bible Verses from متّی 27

Share

تریجھے پہر دے نیڑے یسُوع اُچی اواز ءچ آکھیا، ”ایلی، ایلی، لما شبقتنی؟“ جِیندا مطلب ہے، ”میڈے خُدا! میڈے خُدا! تُوں میکُوں کیوں چھوڑ ڈِتے؟“

تے ہیکل دا پڑدہ اُتوں کنُوں تلے تئیں پھٹ تے ڈُو ٹوٹے تھی گِیا تے زمین کمب گئی تے چٹاناں تِڑک گئیاں۔ تے قبراں کُھل گئیاں تے بہُوں سارے مُقدّس لوک جیہڑے مر گئے ہَن، زندہ تھی گئے۔

وَل یسُوع وڈے زور نال چِلا تے جان ڈے ڈِتی۔

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

ڈوپہر کنُوں گِھن تے تریجھے پہر تئیں سارے مُلک ءچ اندھارا چھایا ریہا۔

پِیلاطُس اُنہاں کُوں آکھیا، ”وَل مَیں یسُوع نال جیہڑا المسیح اکھویندے، کیا کراں؟“ سبھ آکھنڑ لگے جو ”اُونکُوں صلیب اُتے چڑھاؤ۔“ اُوں آکھیا، ”کیوں، اُوں کیہڑی بُرائی کیتی ہے؟“ پر او مزید شور مچا تے آکھنڑ لگے ”اِینکُوں صلیب اُتے چڑھاؤ۔“