Popular Bible Verses from یُوحنّا 12

Share

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

جیہڑا بندہ آپنڑی جان کُوں عزیز رکھیندے، او اُونکُوں ونجیسی پر جیہڑا اِیں دُنیا ءچ آپنڑی جان نال نفرت رکھیندے او اُونکُوں ہمیشاں دی زندگی کیتے محفوظ رکھیسی۔

مَیں تُہاکُوں سچ آدھا ہاں جو جئیں تئیں کنڑک دا دانڑا زمین ءچ ڈھے تے مر نئیں ویندا، کلھا راہندھے، پر جے او مر ونجے تاں بہُوں سارا پھل پیدا کریندے۔

مَیں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے او اندھارے ءچ نہ راہوے۔

جے کوئی میڈے گالھیں سُنڑدے تے اُنہاں اُتے عمل نئیں کریندا تاں مَیں اُوندی عدالت نہ کریساں کیوں جو مَیں دُنیا دی عدالت کرݨ نئیں آیا بلکہ نجات ڈیوݨ آیا ہاں۔

اُوں ویلے مریم کوئی ادھا لِیٹر جٹاماسی دا خالص تے بہُوں مہانگا عِطر یسُوع دے پیراں اُتے لا تے آپنڑے والاں نال اُوندے پیراں کُوں پُونجھیا۔ تے سارے گھر ءچ عِطر دی خوشبو کِھنڈ گئی۔

کھجور دیاں لڑیاں گِھدیاں تے اُوندے اِستقبال کیتے آئے تے نعرے مارݨ لگے جو ”ہوشعنا! مُبارک ہے او جیہڑا رب العالمین دے ناں تُوں آندا ہے تے اِسرائیل دا بادشاہ ہے۔“

یسُوع جواب ڈِتا، ”اِبنِ آدم دا جلال ظاہر تھیوݨ دا وقت آ گِیا ہے۔