Popular Bible Verses from اعمال 2

Share

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

جو اچانک اسمان کنُوں ایجھی اواز آئی جِینویں زور دی اندھاری چلدی ہے، تے اُوں اواز نال سارا گھر بھریج گِیا جِتھاں او بیٹھے ہَن۔ اُنہاں کُوں بھاہ دیاں لَمباں وانگُوں زباناں ڈِکھالی ڈِتیاں جیہڑیاں اَنج اَنج تھی تے اُنہاں ءچوں ہر ہِک اُتے آ تے کھڑ گئیاں۔ تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔ تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

’خُدا فرمیندے جو آخری ڈینہاں ءچ اِینویں تھیسی جو مَیں ہر بندے اُتے آپنڑا رُوح نازل کریساں تُہاڈے پوتر تے تُہاڈیاں دِھیاں نبُوّت کریسن تُہاڈے جوان رویا ڈیکھسن تے تُہاڈے بُڈھے خواب۔

جیہڑے اِیمان گِھن آئے ہَن او سارے کٹھے راہندے تے اُنہاں دیاں سبھ چیزاں سانجھیاں ہَن۔ تے آپنڑا مال اسباب ویچ تے ہر ہِک کُوں اُوندی ضرورت دے مطابق پیسے وَنڈ ڈیندے ہَن۔

تے اِینویں تھیسی جو جیہڑا وی خُداوند دا ناں گِھنسی، نجات پیسی۔‘

سِجھ تاریک تھی ویسی چَن خون وانگُوں تھی ویسی اِیں کنُوں پہلے جو رب دا عظیم تے جلال آلا ڈینہہ آوے۔