Popular Bible Verses from Lukas 21

Share

Aning ati ara, pia moubuka kalekuka dimunce, unamlulume. Tonda, ninye nirya ati, upnamle ning upsiliba, ‘Allah batakuka malye winibibyak’ tenen, Allah moronauk unamlulume. Tonda, ‘Ikin weik upsilyak’ tenen, Allah moronauk unamlulume. Ton ikin ning ara, Ninye Mi Koprop Atonunye birye, ninye nirya weneplirye, yupu bokipnamla talak ara, ‘El dam bibirye, alye kum daknamap’ tenen, Allah moronauk unamlulume. Yesus arye el mapu ati nyabuk.

Aning ati ara, anggun kanye moubuka unamlulume. Malye-malye winina ap, talye kanye bobuka urdemuk una ap, kanye wangan mek talye dina apura, ‘Nun aik, nun ongon butum, nun dina ap, yata wiripnuyap do?’ tenen, teniltona ap deice arye, anggun kanye talima tenena ning ara, ikin weik upsilirye, mitang yuksilyeura, na pil dopmanto kum ululum ati, kanye pia moubuka unamlulume. Winipmanto ara, kabang bisik balamlya ak wena wemikceura, kabang talye mangkau arye balyeura, youlamla atouk, na yanamne sum mangkau kanye bopmamunye talak winipsilyak ati, kanye pia moubuka unamlulume.

Anggun ilil una kum aryuk, talye tunim abuka upmunyopura, Allah arye lyepnamsile. Ara, anggun nonguk ara opsitinge bukni, Allah arye kam una deiyok ning akunum arepsilyopura, anggun sambalauk pia kum dipnamle. Pia kamuk unamle.

Sik wenepnamsiak talak ara, narye weik kel yupu anggun kanye talima ak arepsinyeura, nyanamlum yupu ara, anang arye bisibuka yanipmanto kum winipnamsiake.

Im deice tam ulul ning nirya ap, tukwak tam ulul ning nirya ap ara, kum danamle bukni, na nyasinye yupu nirya ara, tonok babye, ton kum kum danamle. Pia aupnamle, na nyanye touk dipkoprop upnamle.

Im deice tam ulul ning ara, keting ap, kurya ap, wala ap deice arye, weik mambul ning laka nyana ati winipnamle. Laut mekwen nirya ara, mekwen weik arye lonting-lonting ablirye, mekwen mikip weik arye langdibuka weleplirye, weik lelim nyaplyopura, tukwak mutuku ninye mutuku sirya im sirya nirya arye, ‘Mekwen dipsilyak’ tenen, weik kanye imun uplibuk, ‘Yata wiripnamap do?’ tenen, pia teniltonauk unamake. Im deice tam ulul ning nirya ara, lonting-lonting anamle ati ara, ninye mutuku sirya im sirya nirya, ‘Yata winipnamsil do’ tenen, ilil pia weik uplibuk, gisok biri-biri ablirye, dipmanto unamake. Aning nirya winiplyopura, nara Ninye Mi Koprop Atonunye birye, na mikip weik ap, dirina weik ap arye, dua kan-kan yanganyeak eipnamniake.

Nati, diba tenenice nang nirya ara, ‘Anang ara, Yesus el mapu unyaka ati ara, nun like,’ tenebuka bataknamsiake.

Winildanmace talak ara, mutuku yuk-yuk weika arye lulukunamle. Tonda, wa wibuka kouamice ning nong kum uplyopura, din pia patana dem unamle. Tonda, mutuku-mutuku nirya yuk-yuk ninyeuk weik touk dilamlyeura, ninye weik dipnamake. Tonda, im deice upnamle ning eibikirye, ilil pia weik unamle ning ap, ‘Sirya talak akunum uple’ tenen, biknamaka ati, Allah arye pitin-pitin kilin ning im deice deipnamle ap, weik upnamle.

Tonda aminyan talak ninye arye, “Ton tam nang ap, ton tam nang ap oldanmake,” nyabuka nyanamaka ap, “Nun mutuku talisinyak nang ‘Obuka daknamap’ tenen, oldanmake,” nyanamaka ap, yanuka nyabikiba, kekepmunyopura, ilil kum unamsulule. Allah arye, ‘Atonun ning wininamle,’ akunum tenyamuk ati, wininamle bukni, ‘Sirya talak sirya dakna ning ara, kabula,’ tenenamlulume. Sirya talak noutamak ara, ton wininamle ning ara, weik ninye deiyoknye, Raja nang arye talinyak mutuku nang arye, ton mutuku nang ati, binuka oldanamake. Tonda, ton yala nang arye, ton yuk yala nang ati, oldanamake.

Im deice tam ulul ning ara, keting ap, kurya ap, wala ap deice arye, weik mambul ning laka nyana ati winipnamle. Laut mekwen nirya ara, mekwen weik arye lonting-lonting ablirye, mekwen mikip weik arye langdibuka weleplirye, weik lelim nyaplyopura, tukwak mutuku ninye mutuku sirya im sirya nirya arye, ‘Mekwen dipsilyak’ tenen, weik kanye imun uplibuk, ‘Yata wiripnamap do?’ tenen, pia teniltonauk unamake. Im deice tam ulul ning nirya ara, lonting-lonting anamle ati ara, ninye mutuku sirya im sirya nirya, ‘Yata winipnamsil do’ tenen, ilil pia weik uplibuk, gisok biri-biri ablirye, dipmanto unamake.

Sirya talak noutamak ara, ton wininamle ning ara, weik ninye deiyoknye, Raja nang arye talinyak mutuku nang arye, ton mutuku nang ati, binuka oldanamake. Tonda, ton yala nang arye, ton yuk yala nang ati, oldanamake.

Asipdeyikura, Yesus arye ayupu tamubuka nyabuk. Ninye weika arye, “Yesus el si deice arye yanganyabe,” nyabikirye, “Mesias yanamle nyalamiknye bira, na uka. Tonda sirya talak ara akunum dam uple,” nyanamak deice arye, ninye weik atilila yupu kekebuka, diba tenenamake. Atilila nang nyanamsiak deice arye, ninye weik sik kanye talima nirya leibuka, yuk tam dobanamsiak ati, na mapu anggun kanye talima moubuka unamlulume. Atilila yupu nyanamak nang ara, sik yupu kekebuka, sik tam kum kilonamlulume.