Popular Bible Verses from Yohanes 8

Share

Aminyan talak ara, Yesus arye amutuku ninye ati nyabuk. “Nara, tukwak mutuku im sirya, mutuku sirya unyak ninye ati, dirina deiyoknye unune. Na nyasinye yupu kekeplirye, talibuka dobolbalinye bira, kunuknak pia kum unamle. Aning kum bukni, kam una deiyok dirina ara, el talima ak unamle.” Yesus arye nyabuk.

Anyapman touk winipmunyopura, ‘Dipkoprop yupu, deiyok ning anye’ tenen, moubuka kel kinamlulume. Kel kipmunyopura, adipkoprop yupu talibuka melimunya deice arye, anggun malye winimunya noutamak arye lopdeipsinyopura, diksukumuk unamlume.” Yesus arye nyabuk.

Ton Yahudi yala nang arye Yesus ati dib tenebik. Anang ati Yesus arye ayupu nyabuk. “Narye peteresinye yupu kekepmunce, moubuka talipmunce, pia dobolbamunyopura, na mapu koprop ululume. Aning kum winimunyopura, kume, nyapsine.

Aning ati ara, Allah el Mi Koprop lyepsilirye, anggun malye winimunya noutamak arye lopdeipsilyopura, dipkoprop kanye deibuka telebuk unamlume.

Yupu sekenmok talak ara, sik anang arye tuba-tuba asinauk unmekbuk, Yesus tikukabukce, anang ati nyabuk. “Anggun atikmalum nang kan-kan arye, malye ning tonok sirik babye kum winilamlyopura, anye birye minopce keil dobuka, akil nong deice deiyok koubuka, opnamale,” nyabuk.

Nyabikba, Yesus arye anang ati tamubuka nyabuk. Narye dipkoprop yupu uk nyapsine. Yata ninye do nirya, tuba-tuba malye wininyak ninye nirya ara, sik malye winin ning deice arye, sik bidamnye ati talibuka tapu koulongona atonun unyake. Tuba malyeuk unyaka ati, kum lolildanyake.

Yesus tikukabukce, akil ati asipdeyuk. “Akilo, anang nirya ara, dan mutuku banmak do? Sik kan-kan arye, tonoknye babye, ‘Akil ara malye winin kil anya arye, nun nirya arye opnyape,’ nyabuka yupu kum bokipmakil do?” nyabuka asipdeyuk. Asipdeyukura, akil arye, “Kume, naio, sikce ayupu kum nyapmaniake,” nyabuk. Nyabukba, Yesus arye nyabuk. “Ati na babye atonun ayupu kum nyapnukine. Wini talak ara, an malye winiminye ning nirya batakuka, diksukumuk unalyame,” nyabuk.