Popular Bible Verses from मत्‍ति 16

Share

कालाउ इसु ताइको चात्‍यागेलाइहेङ दोअ्‌हि, “जाइ कासेहेङ पिताइलि लाल्‍सा पाखे पानु, वा ताइमिहेङ इन्‍ताना मार्‍याको रो ताइको कुरुस फातेङ कासेहेङ पितायाको

का नासेहेङ दोअ्‌खा, एलासो नासेहेङ पत्‍रुस दोअ्‌तावा। का काङको मन्‍डलि इदोङ उन्‍ठुइता बान्‍हायाङका रो पातेलको सरबङगेलाइ इङकोहेङ जितिलि माद्‍वावा।

का नासेहेङ सादेलको सारभिको चाभिगेलाइ प्‍याङका। जेदोङ ना सुमिङता धेवाना, इङको सादेलता जिङन्‍हावा। जेदोङ ना सुमिङता खायाना, इङको सादेलता खाइन्‍हावा।”

हाइपानु जाइ ताइको बायु बान्‍चेपालि खाङखे, इङको वा मुअ्‌पावा। कालाउ बुङ जाइ ताइको बायु काङको भाअ्‌सिङ मुअ्‌पावा, इङको वा निनावा।

गोताङ दुनिया निङलाउ बुङ ताइको बायु मुअ्‌पानु, द्‍याङहेङ हाइ लाभ ज्‍यावा? माकोनु द्‍याङ ताइको बायुको बादलाता हाइ पिलि द्‍वावा?

इसु एम्‍बालाइहेङ हिअ्‍हि, “नेलाइ हाइ दोअ्‌स्‍वाना, का हासु हिघा?” सिमोन पत्‍रुस दोअ्‌हि, “ना दोङ सिन्‍हुका परमेस्‍वरको चान ‘ख्रिस्‍ट’ हिन्‍हा।”

इसु वासेहेङ दोअ्‌हि, “योनाको चान सिमोन, ना सहसाम्‍पा निङका हिन्‍हा। हाइदोनु द्‍याङसो नासेहेङ इदोइ तिम्‍पाका माको, कालाउ बुङ सादेलता हिका काङको परमेस्‍वर आबा तिम्‍पाका हि।