Popular Bible Verses from युहन्‍ना 6

Share

इसु एम्‍बालाइहेङ दोअ्‌हि, “ज्‍यानको तोले का एइ। काता लोका माम्‍हित्‍वावा रो कासेहेङ खान्‍धुर पाका हेअ्‌लाउ आम्‍लिमाकिअ्‌तावा।

ज्‍यान पिका आत्‍मा हि, जिउसो हाइदोङ लाभ माजेङखे। जेदोङ बचन का नेलाइदोफा धुइका हिघा, इङको आत्‍मा रो ज्‍यान एइ।

मुअ्‌तेङ हानेका चाकाको भाअ्‌सिङ मिनेत मापासु, कुलाउ असिम ज्‍यानथिकापा हिका चाकाको भाअ्‌सिङ मिनेत पासु, जाइ द्‍याङको चान नेलाइहेङ प्‍यावा। हाइदोनु याकोङ भाअ्‌सिङ परमेस्‍वर आबा वासेहेङ खाटाइतेङ दिङगिल्‍का एइ।”

हाइदोनु काङको आबाको लाल्‍सा इदोइ एइ, चानहेङ खाङका रो वासेहेङ खान्‍धुर पाका झाराङ असिम ज्‍यान निनाको। कालाउ का इङकोहेङ आखिरि दिनाता सिन्‍हु पाङका।”

इसु एम्‍बालाइहेङ दोअ्‌हि, “परमेस्‍वरको काम इदोङ एइ: जाइहेङ वा दिङगिल्‍हि वार्‍हुता खान्‍धुर पासु।”

आबा कासेहेङ पिका झाराङ काता ल्‍वावा रो काता लोका हासुहेङ बुङ हिदिङ रितहोइ का मालाअ्‌ताङका।

कोलाउ सिमोन पत्‍रुस दोअ्‌हि, “प्रभु, केलाइ हासुकोता हानाङ? नाङकोदोसा असिम ज्‍यानको बचन हि।

सादेलसो खुअ्‌तेङलोका सिन्‍हुका तोले का दोङ एइ। हासुङ इदोइ तोले चाहि पानु इङको दिनाङ सिन्‍हुतावा। जेदोङ तोले का दुनियाको ज्‍यानको भाअ्‌सिङ प्‍याङका, इङकोचाहिँ काङको जिउ एइ।”

कासेहेङ दिङगिल्‍का आबा मातान्‍हेहि पानु हासु बुङ काता लोलि माद्‌वावा। का इङकोहेङ आखिरि दिनाता सिन्‍हु पाङका।

हाइदोनु परमेस्‍वरको तोले इङकोङ एइ, जाइ सादेलसो खुअ्‌तेङलोखे रो दुनियाहेङ ज्‍यान पिखे।”

का ज्‍यानको तोले एइ।

कोलाउ इसु नालोङ तोले रो न्‍हेलोङ हाया र्‍हुतेङ परमेस्‍वरहेङ च्‍याबास पिकान्‍हुअ्‌सो इन्‍ता योम्‍कालाइहेङ बाख्राइपिलि लागाइहि। जेलाउ एम्‍बालाइ घाइपाङ चाहि, कोलाउ वा ताइको चात्‍यागेलाइहेङ दोअ्‌हि, “दाइका जोम्‍पासु रो आतुइसा बुङ मानासाको।”

ना तु किलोमिटर नाउ ख्‍याइतेङ हानेकान्‍हुअ्‌सो एम्‍बालाइ इसुहेङ जाहादिर्‍हुता तेतेङ नाउको भेर्पा लोतेङहिका तिङहि, कालाउ एम्‍बालाइ थिहि। इसु एम्‍बालाइहेङ दोअ्‌हि, “का एइ, माथिसु।”