Popular Bible Verses from युहन्‍ना 15

Share

“आङगुरको सिङ का दोङ एइ रो नेलाइचाहिँ दालेङगेलाइ एइ। जाइ काता हिखे, का बुङ वाता ह्‍याङका रो एसापा इङको हेन्‍जा फल सेपावा। हाइपानु कासो फारापा हितेङ नेलाइ हाइ बुङ पालि मादोस्‍वाना।

काता हिसु रो का नेलाइता ह्‍याङका। जेसापा दालेङ आङगुरको सिङता माहि पानु इङको ताइमिङ फल सेपालि माद्‌वावा। एन्‍सा दोङ नेलाइ काता माहिसुन्‍हा पानु नेलाइ बुङ मादोस्‍वाना।

एदि नेलाइ काता हिसुन्‍हा पानु रो काङको दोअ्‌का कथनगेलाइ बुङ नेलाइता हिहे पानु, नेलाइ भोका काथा र्‍हेनु निङस्‍वाना।

कासेहेङ नेलाइ मासालसुन्‍हा, कालाउ का नेलाइहेङ साल्‍घा रो नेलाइहेङ भर्ना पाघा। नेलाइ हानेसु रो फल सेपासु कालाउ नेलाइको फल हितेङह्‍याको। एन्‍साङ नेलाइ आबादोफा काङको मिङता जेदोङ र्‍हेस्‍वाना, वा नेलाइहेङ इङको प्‍यावा।

सानाइतिगेलाइको भाअ्‌सिङ ताइको बायु पिका खान्‍तेङ बाराका इन्‍ताना बो हासुकोङ माजेङखे।

काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्‍जा फल स्‍याको दोअ्‌तेङ वा तुमप्‍यावा।

“काङको हुकुम इदोइ दोङ एइ, जेसापा का नेलाइहेङ इन्‍ताना पाघा, नेलाइ बुङ एमि भेनेङहेङ एन्‍सा दोङ इन्‍ताना पासु।

नेलाइ हेन्‍जा फल सेपातेङ काङको चात्‍या एइ दोअ्‌का साबित पासुन्‍हा पानु इदोङता काङको आबाको प्रताप ज्‍यावा।

जातिङको आङगुरको सिङ का दोङ हिघा, कालाउ काङको आबा खेतिपाका हि।

हासुङ द्‍याङ काता माहि पानु, इङको दालेङभाइपाङ बाहार थालन्‍हावा रो इङको सेनावा। इसिका दालेङगेलाइ द्‍याङगेलाइ जोम्‍पातेङ मेता दुकावा।

का इदोइ काथा नेलाइहेङ इदोइखातिर दोअ्‌का हिघा, काङको सुकाका नेलाइता ह्‍याको रो नेलाइको सुकाका पोङघा ज्‍याको।

एदि काङको हुकुमगेलाइ साअ्‌सुन्‍हा पानु नेलाइ काङको इन्‍तानाता हिस्‍वाना। जेसापा का काङको आबाको हुकुमगेलाइ साअ्का हिघा रो वाको इन्‍तानाता ह्‍याङका।

का नेलाइहेङ इदोइ हुकुम पिदोङखा, नेलाइ एमि भेनेङहेङ इन्‍ताना पासु।

एदि नेलाइ इदोइ दुनियाको हिनु ते दुनिया नेलाइहेङ ताइको दोअ्‍तेङ इन्‍ताना पाधावा। कुलाउ नेलाइहेङ इदोइ दुनियासो माको। नेलाइहेङ दुनियासो का साल्‍घा, इदोइखातिर दुनिया नेलाइहेङ दिगमिग पाखे।