Popular Bible Verses from युहन्‍ना 10

Share

खुका ते खुलि, सेअ्‌लि रो मुअ् पालि खिनिङ लोखे। का ते नेलाइलाइ ज्‍यान निनाको रो इङको हेन्‍जा आकारता निनाको दोअ्‌का खातिरहोइ लोघा।

“का रेम्‍का घोका एइ। रेम्‍का घोका ताइको भेरागेलाइको भाअ्‌सिङ ताइको बायु चार्‍हाइखे।

काङको भेरागेलाइ काङको गाला हिङखे, का एम्‍बालाइहेङ नाल्‍खा रो एम्‍बालाइ कासेहेङ पिताइतेङ लोखे।

का एम्‍बालाइहेङ असिम ज्‍यान प्‍याङका। एम्‍बालाइ हेअ्‌लाउ मुअ्‌तेङ मान्‍हावा रो हासुङ एम्‍बालाइहेङ काङको खुरसो घिङतेङ माचुमप्‍वावा।

फिनु का दोङ एइ, एदि हासुङ द्‍याङ कासो लिअ्‌ता दुल्‍हि पानु इङको सिन्‍हुपान्‍हावा, कालाउ लिअ्‌ता बाहार लोलि हानेलि पावा रो चरनता चारेलि निनावा।

“का रेम्‍का घोका एइ, का ताइको भेरागेलाइहेङ नाल्‍खा रो काङको भेरागेलाइ कासेहेङ नाल्‍खे।

काङको आबा इङको पिका हि, वा झाराङखान्‍तेङ बाराका हि। आबाको खुरसो हासुङ नेलाइहेङ घिङतेङ चुम्‍पुलि माद्‍वावा। आबा रो का एलोङदोङ एइ।”

जेसापा आबा कासेहेङ नाल्‍खे, का आबाहेङ नाल्‍खा। कालाउ का भेरागेलाइको भाअ्‌सिङ ताइको बायु चार्‍हाइखा।

हासुङ कासो काङको बायु र्‍हुलि माद्‍वावा, कुलाउ का ताइकोङ लाल्‍साहोइ ताइको बायु चार्‍हाइखा। ताइको बायु चार्‍हाइका खाबरा कादोसा हि, कालाउ आरोङ र्‍हुका खाबारा बुङ कादोसा हि। इदोइ हुकुम का काङको आबासो निङका हिघा।”

इदोइखातिर इसु आरोङ एम्‍बालाइहेङ दोअ्‌हि, “जातिङको, का नेलाइहेङ दोअ्‌खा, भेरागेलाइको फिनु काआङ एइ।

किराइको द्‍याङचाहिँ ताइकोङ घोकाभाइका माको। इङको ते झारखियाहेङ लोका तिङतेङ भेडागेलाइहेङ लाअ्‌तेङ खाअ्‌खे। इङकोन्‍हुअ्‌सो झारखिया भेरागेलाइहेङ झाअ्‌मेरेतेङ चुम्‍पुखे रो इसोउसो पापिखे।

इसु दोअ्‌हि, “जातिङको, का नेलाइहेङ दोअ्‌खा, जाइ भेरा खोतारको फिनुसो लिअ्‌ता मादुल्‍सिङ भेनेङपाहासो ताङतेङ दुल्‍खे, इङकोचाहिँ खुका रो डाका एइ।