Popular Bible Verses from मत्ती 21

Share

दोह् दोह् नीङ्इ परमेस्‍वर्‌कायः पेतो ङ्‌हाम्‌ती ओउःकः तेती तोतेःनानी ओउःलेः दोःतेःनै बा” त दाय्‍ह्‌ती येसुइ स्‍यान्‌ती तोआथास।

ओउःमयः नोःकाय्ओ सायःती “दोङ्‌सी दाय्‍ह्‌भनाङ् नीङ्इ परमेस्‍वर्‌कायः पेतो ङ्‌हाम्‌तेःचानी त खेःया इलो लेखा सीङः सीताक्‌सामा खाय्‌तेःनानी। ओउःसै ताङ्‌ह्ओ जाङ्‌ह्‌ती इ दुलुङःकायःमा ‘लौ च्‍योङ्‌ती द्युम्‌मालो तीःहाङः प्‍लाह्‌लाङ् क्‍लाःतेःपाः’ त दाय्‍ह्‌ती तोतेःचानी त खेःया नीङ्इ तोओ स्‍याव्आजेःनाः।

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

“लौ ‘ङाकोः मन्‍दीर्‌पाय् ङाकायः झाह्‌ती तोसा कीम्‌लेः स्‍याव्‌नाः’ त दाय्‍ह्‌ती परमेस्‍वर्‌इ तोओ कुरापाय् ओउःकोः आखरःहाङः लेखओआः बा। नीङ्‌खेइ इ मन्‍दीर्‌कायः कुःरेव् मान्‍ताकोः कीम्‌लो जाङ्‌ह्‌तेःआकानी बा” त दाय्‍ह्‌ती येसुइ जान्‌ती ल्‍होक्आथास।

“अ सीओन् त तोओ यरुसालेम् सहर्‌हाङः मुओलम् नीङ्‌कोः राजा मीतो वाह्‌ती घोरामा घोराकोः चोःकोः गीङ्‌हाङः लन्‍ह्‌ती नीङ्‌कःताङ् वाङ्‌नाः। एत योनु दा” त दाय्‍ह्‌ती लेखओ द्याह् ताप्‌तो स्‍याव्‌नाः।

“लौ परमेस्‍वर्‌इ बयःओ आखरःहाङः इलेः लेखओ माःर ‘कीम् जाङ्‌ह्ओलम्इ ङ्‌हा “इ पेमालो” त दाय्‍ह्‌ती ताती वाय्ओ बाङ्‌पाय् लोने कीम् गाराकोः मुल्‌बाङ् स्‍याव्आनाः। इलेः प्रभु परमेस्‍वर्‌इ जाङ्‌ह्आकान् बा इपाय् गुच्‍युक् पेजेःनाः’ त दाय्‍ह्ओ लेखती मुनाः।

लौ ङाइ तोनेःनाङ्‌स दा परमेस्‍वर्‌कोः राजी नीङ्‌खे द्याह्‌हाङःसै मुसा दोःतेःइली अरु पेओ काम् जाङ्‌ह्ओलम्‌कायः ओहाङः मुसा दोःनै।