Popular Bible Verses from Mark 16

Share

Ka Mâ‐a vâ na bâ, na, Kěkěni o he yěhěpi, o ka pakwakiyani ekeha yěhěpi sango tě ’yam‘ ekaně.

Ndembo těkadi i ka vitaněndi ba kamakidě; ba ka pumakěndi děvil na dina jamě; ba ka kali beemi bea kya; ba ka bweyi mbamba; oningě ba mâtâ elombo e weyanakě, ya kokidě bâ; ba ka nangidi mebědi makadu, na meâ mea diya upeha.

A kamakidě, na mâ‐a baptaiswě a ka yongwěndi; ndi a ha kamakidě a ka kwehwěndi.

Ba kěkě, ka bâ‐ba pakuwa o iboko viěhěpi, Upangiyi a haka na bâ, na Mâ‐a sulakě ndaga na ndembo i benganakě. Aměn.

Ka mâ‐a vâ na bâ, na, O nyânyâvâkiyeni: o butakandini Jisus ya Nazarěth, e weyakudwě o krâs: A pumbuwendi: A ’bě pě okava; yěněkěteni, iboko viabu vi nangakidě Mâ.

O bâ‐ba tamuwedi ka bâ‐ba yěně na ilale i diyaki vunguludwěngo (’kabojana i diyakindi ’něně). Ka bâ‐ba ngiya o malonga, ka bâ‐ba yěně iwanja diyango o pělě eyomi pugango na ngâi ’tano eyaba; ka bâ‐ba nyânyâviyě.