Popular Bible Verses from Matyiu 27

Share

O ’gombe ya mawěla malalo ka Jisus a yama na joyi oba, na, Eloi, Eloi, lama sabakthenae? yeně ndi, na, Anyambě ’amě, Anyambě ’amě, e lě nd‘ eâvě e senji ’Mba?

Na, umbwakiyate, unamba uněně mua těmpěl u pěhěkiyendi bepěhi na hanganě oviya oba kwanga nala he: he e ka ninganaka, malale ma pěhěkiyě; malonga ma ka dubwanakiya, bekengo beitě bea bato bayamu be diyakidi wewe be pumbwaka, be ka pumaka oviya malonga

O Jisus a yami pě na joyi oba, ka Mâ‐a dika ilina.

O Sěnturiân na ba diyaki na mâ ba pepwaka Jisus, ba yěnidi he e ninganakě, na belombo tě be hamakidi beně, ba bangakindi jângâ iněně, na, Mbambayě, ekaně A diyakindi Mwana Anyambě.

Nandi oviya joba meolo, ivititi vi diyakindi o he yěhěpi kwanga nala mawěla malalo.

Ka Pailat a vâ na bâ, na, Nandi, mbi ka ha lě Jisus a tubakwě na Kraist na‐e? Bâ běhěpi mâ, na, A weyakwě o krâs. Ka Gâven a vâ, na, Nande lě, A ma ha lě nja bobe? Ndi ba yamaki pě nangudi wa, na, A weyakwě o krâs.