Popular Bible Verses from Matyiu 21

Share

Tepě o ka pahiyateni belombo beěhěpi ibeanyu be k‘ uwě n‘ ikaliya, o kamakiděni.

Jisus a yavwanakindi, ka Mâ‐a vâ na bâ, na, Mbi vâki n‘ inyěni pâkwěpâkwě, Oningě o diyingěni n‘ ikamidě, n‘ inyěni o bomeni penda, wa hayeni kabo e ma hama na ele ya itâla ekae, nd‘ o ka vâteni n‘ ukodi těkamu, na, Věngěměkě, wa ’la ka kwa o manga, e ka hamate.

Ka bebimba be kěkidi o bohoboho, na be vitakidě bya yama, na, Hosana na Mwana Devid! Ibâtâ na a vakě na dina ja Upangiyi; Hosana oba mětě!

ka Mâ‐a vâ na bâ, na, E lěndwěngo na, Ndabo ’amě e ka tubwi na ndabo y‘ ikaliya; nd‘ o ndi yâni pangango eboboka ya meyibi.

Langwakiyani mwa mwajo ua Zaion, na, Umbwakiya, Upolo muâvě u vakand‘ o âvě o jadi hwěi, diyango o buru na o etumbě ya mwana ua buru.

Jisus a vâki na bâ, na, O ha langeteni o Malěndwě, Ilale ja balongi i kiyakidi jâ ndi diyakidi ja bě molo mu‘ itududu: ekavi vi ndi ’hadi via Upangiyi, na viâ vi ndi vi mamanakwě o mihâ mahu

Ovaně nd‘ Umba‐mbi vâkě n‘ inyěni, na, Ipangiya j‘ Anyambě i ka nângânwěndi inyěni na jâ ja věwě etomba e ka běkidě bebuma bea omě.