Popular Bible Verses from Matyiu 18

Share

Ikabojana o babale na ba balalo ba di lataniyango ta o dina jamě, ovoně Mbi tepě o ngalakabo ’abu.

Mbi vâki pě n‘ inyěni, na, Oningě babale o tango ’anyu ba latingě o he opěla elombo yěhěpi eabu e ka uwě, e ka hawudwi bâ na Paia a jadi o Hěvěn.

Ka Jisus a ndiya etumbě o Mâ‐a jadi, ka Mâ‐a tědě yâ o hanganě ’abu, ka Mâ‐a vâ, na, Mbi vâki n‘ inyěni pâkwěpâkwě, Wa ngiyeni o ipangiya ja Hěvěn kabo wa ’luwani, n‘ inyěni wa běni ka betumbě.

A di boněně wa o ipangiya ja Hěvěn ndi a ka yěvidě nyol‘ ’aju uěhěpi ona etumbě těkae.

A ka věhělidě etumbě ka ’kae yâkâ uěhěpi na dina jamě a věhělěkidi ’Mba.

Mbi vâki n‘ inyeni pâkwěpâkwě, Eanyu e ka kombiyě o he yěhěpi e ka kombwě tepě o Hěvěn; na eanyu e ka unjuwě o he yěhěpi, e ka unjwě tepě o Hěvěn.

Nonaně tepě o Paia a jad‘ o Hěvěn e ka hayě inyěni oningě o yiděni moto uěhěpi mabe ma bana ba nyangwě banyu oviya melema meanyu.

Na uehěpi a ka bevě etumbě yâkâ o betumbě tě be kamakidě ’Mba ekabe, e ndi tâmângo na mâ a tingakwě ilale i kâkânâkwě o ibâlu jaju, na mâ‐a ngilindândwě o ndiba ya manga.

O piviyaka lě na? Oningě moto a na kama ya medâmbě, n‘ umbâkâ o tango ’abu mu a lenga, aa dikaka mabo ibuwa n‘ ibuwa na mâ‐a ka kěkě o mekodi, ka vaha u di lengango?