Popular Bible Verses from မဿဲ 10

Share

ဝံပုလွေများ​ထဲသို့ သိုးများ​ကို စေလွှတ်​သကဲ့သို့ သင်တို့​ကို ငါ​စေလွှတ်၏။ ထို့ကြောင့် မြွေများ​ကဲ့သို့ လိမ္မာပါးနပ်​၍ ချိုးငှက်များ​ကဲ့သို့ အဆိပ်ကင်းကြလော့။

မိမိ​အသက်​ကို ဖက်တွယ်သော​သူ​သည် အသက်​ဆုံးရှုံး​လိမ့်မည်။ ငါ့​ကြောင့် အသက်​ဆုံးရှုံးသော​သူ​သည် အသက်​ကို ရ​လိမ့်မည်။

ကိုယ်ခန္ဓာ​ကိုသာ သတ်​၍ စိတ်ဝိညာဉ်​ကို​မသတ်နိုင်သော​သူတို့​ကို မကြောက်ကြနှင့်။ ကိုယ်ခန္ဓာ​နှင့် စိတ်ဝိညာဉ်​နှစ်မျိုးလုံး​ကို ငရဲ​တွင် ဖျက်ဆီးနိုင်သော​ဘုရားသခင်​ကိုသာ ကြောက်ကြလော့။

မိမိ​လက်ဝါးကပ်တိုင်​ကို ထမ်း​၍ ငါ့​နောက်သို့ မလိုက်သောသူ​သည်လည်း ငါ့​တပည့်​ဖြစ်​ရန် မထိုက်တန်ပါ။

သို့ဖြစ်၍ လူတို့​ရှေ့တွင် ငါ့​ကို ထုတ်ဖော်ဝန်ခံ​သူ ရှိသမျှတို့​ကို ငါ​သည်လည်း ကောင်းကင်ဘုံ​၌ ရှိတော်မူသော ငါ့​ခမည်းတော်​ရှေ့တွင် ထုတ်ဖော်ဝန်ခံမည်။ သို့သော် လူတို့​ရှေ့တွင် ငါ့​ကို ငြင်းပယ်သော​သူ​အား ကောင်းကင်ဘုံ​၌ ရှိတော်မူသော ငါ့​ခမည်းတော်​ရှေ့တွင် ငါ​သည် ငြင်းပယ်မည်။

ဖျားနာသူများ​ကို ကျန်းမာစေကြလော့။ သေလွန်သော​သူတို့​ကို ပြန်ရှင်စေကြလော့။ အနာကြီးရောဂါသည်များ​ကို စင်ကြယ်စေကြလော့။ နတ်ဆိုးများ​ကို နှင်ထုတ်ကြလော့။ သင်တို့​သည် အဖိုးအခ​မပေးဆောင်ရဘဲ ရရှိထားသည်​ဖြစ်၍ အဖိုးအခ​မယူဘဲ ပေးကမ်းကြလော့။

ထို့ကြောင့် မကြောက်ကြနှင့်။ သင်တို့​သည် စာကလေး​များစွာ​ထက် ပို၍​အဖိုးတန်၏။

ဤ​လောက​သို့ ငြိမ်းချမ်းခြင်း​ကို ယူဆောင်လာ​ရန် ငါ​လာသည်​ဟု မထင်မှတ်ကြနှင့်။ ငြိမ်းချမ်းခြင်း​ကို ယူဆောင်လာ​ရန် ငါ​လာသည် မဟုတ်ပါ။ ဓား​ကို​ယူဆောင်လာ​ရန် ငါ​လာ၏။