Popular Bible Verses from ဆာလံ 143

Share

အ​လို​တော်​သို့​လိုက်​စေ​မည်​အ​ကြောင်း သွန်​သင်​တော်​မူ​ပါ။ ကိုယ်​တော်​သည် အ​ကျွန်ုပ်၏​ဘု​ရား​သ​ခင် ဖြစ်​တော်​မူ၏။ ကောင်း​မြတ်​သော​ဝိ​ညာဉ်​တော်​သည် ဖြောင့်​သော​လမ်း၌ အ​ကျွန်ုပ်​ကို သွေး​ဆောင်​တော်​မူ​ပါ​စေ​သော။

က​ရု​ဏာ​တော်​စ​ကား​သံ​ကို အ​လျင်​အ​မြန် ကြား​စေ​တော်​မူ​ပါ။ ကိုယ်​တော်၌ ကိုး​စား​ပါ၏။ ကိုယ်​သွား​ရ​မည်​လမ်း​ကို သိ​စေ​တော်​မူ​ပါ။ ကိုယ်​တော်​ကို အ​ကျွန်ုပ်​တ​သ​ပါ၏။

အို​ထာ​ဝ​ရ​ဘု​ရား၊ ရန်​သူ​တို့​လက်​မှ အ​ကျွန်ုပ်​ကို ကယ်​နုတ်​တော်​မူ​ပါ။ ကိုယ်​တော်​ကို ခို​လှုံ​ပါ၏။

အို​ထာ​ဝ​ရ​ဘု​ရား၊ နာ​မ​တော်​အ​တွက်​ကြောင့်၊ အ​ကျွန်ုပ်​ကို အ​သက်​ရှင်​စေ​တော်​မူ​ပါ။ ဖြောင့်​မတ်​တော်​မူ​သည်​နှင့်​အ​ညီ၊ အ​ကျွန်ုပ်၏​ဝိ​ညာဉ်​ကို ဆင်း​ရဲ​ဒု​က္ခ​အ​ထဲ​က နုတ်​ယူ​တော်​မူ​ပါ။

အို​ထာ​ဝ​ရ​ဘု​ရား၊ အ​ကျွန်ုပ်၏​ပ​တ္ထ​နာ​ကို​ကြား၍၊ ဆု​တောင်း​သော​စ​ကား​ကို နား​ထောင်​တော်​မူ​ပါ။ သ​စ္စာ​စောင့်​ခြင်း၊ ဖြောင့်​မတ်​ခြင်း​ရှိ​တော်​မူ​သည်​အ​တိုင်း ပြန်​ပြော​တော်​မူ​ပါ။

အို​ထာ​ဝ​ရ​ဘု​ရား၊ အ​လျင်​အ​မြန် နား​ထောင်​တော်​မူ​ပါ။ အ​ကျွန်ုပ်​သည် စိတ်​ပျက်​ပါ​ပြီ။ မျက်​နှာ​လွှဲ​တော်​မူ​သ​ဖြင့်၊ တွင်း​ထဲ​သို့ ဆင်း​သော​သူ​ကဲ့​သို့ အ​ကျွန်ုပ်​ကို ဖြစ်​စေ​တော်​မ​မူ​ပါ​နှင့်။

ရှေး​လွန်​လေ​ပြီး​သော ကာ​လ​ကို​အောက်​မေ့၍၊ အ​လုံး​စုံ​သော​အ​မှု​တော်​တို့​ကို​လည်း​ကောင်း၊ လက်​တော်​နှင့်​ပြု​ပြင်​သော အ​ရာ​များ​ကို​လည်း​ကောင်း ဆင်​ခြင်​ပါ၏။