Popular Bible Verses from Romans 1

Share

Anau senapa kekakala aꞌe kelono kaualeꞌa Keakua. Maikinimea nakakala la ehuli aꞌe namahi Keakua kela ekonaꞌi nahakina ana hakoa iola. Na{Jiu} la elono nakakala la imua, kena nakama enoho pouli la elono hoi.

Kelono kaualeꞌa la ehuli aꞌe pela Keakua emea nahakina ana la ikonu kahi i namaisu aia. Nakama la ehakina, imea lakou ikonu kahi, kena ikauhano kehakina pela hoi. Hakaꞌoko nei emau iho iloko kelauniu kapu, “Kama ekonu kahi mehakina pela iola.”

Sehikama elavaa keꞌike Keakua, kaohi mua namahi aia, ia ma nakipukipu aia. Ia keualoko Keakua nipena iho kemaalama nei, namea aia epena la ehuli aꞌe nakipukipu aia, pela nakama hakoa ehainahie kemakino laoi nakipukipu aia la. Kena sehikama ekau kekakala pela aia semakino nakipukipu Keakua la.

Ia niaina ma nakama la emakino nakipukipu Keakua, nakama la sehamalumalu kama la, ia sehamaha kama la hoi. Emeia nahakaꞌoko nakama la evale, ia kena nakama la seailoa pela lakou enoho pouli.

Nakama la ukiaꞌi kehamaoni Keakua, kena uhakina namea nuku laoi. Nakama la ehamalumalu namea kemaalama nei la, kena ihalono namea la. Ia nakama la sehamaha Keakua kela epena iho namea la. Kakou ikau kehamaha kama la soia naualoko hamau.

Keakua kevaelani ehuli aꞌe pela aia eloko i nakama haisala kela enoho pouli. Nakama la ehaisala, kena epui alakama isehalono kehamaoni.

Kela hea Keakua ekiaꞌi nakama la ihakaꞌoko kahi namea esala. Kena nahine la ekiaꞌi nakanaka lakou, kena ipena namea esekonu solakou. Nakanaka la eme pela hoi. Nakama la ukiaꞌi nahine lakou, kena imanaꞌo alakanaka, kena ipena namea esaꞌino solakou hoi. Ia kena namahana ukae aꞌe nakinokama lakou, ikau ma namea saꞌino lakou epena esala la. Nakama la sehihai imakino Keakua. Ia kena kama la ekiaꞌi nakama la ikaukali nahakaꞌoko saꞌino lakou, nopena namea kela lakou esekau kepena.

Nakama la ehaiꞌahi ma lakou eakamai. Ia seai, nakama la oivale oia, kena ikiaꞌi Keakua ialuna kela eola kahi. Kena nakama la uhamalumalu nahakipua kela ekipu poi nikama, namanu lelele, napoi, ia ma naꞌaka. Ia namela amekaꞌoko kamasaika oia.