Popular Bible Verses from Mark 5

Share

Kena Jesus eme aꞌe kehine la, “Kaukama, aꞌoe ehakina ia anau, ia kena aꞌoe ukaualeꞌa. Haele. Aꞌoe menoho laoi. Kemahana aꞌoe na uoki.”

Kela hehine ehaele valaa hoi. Sanahulu ma lua nahekau, kama la elavea kemahana eosooso haeꞌo. Kehine la ehoꞌi aꞌe naheheaꞌu aia la hakoa nosui aꞌe nakama hamamaliꞌi,*f5* ia kama la oihalono lihu oia. Kemahana aia la seioki, ia umahi lo.

Vahola oia, haeꞌo osooso la uhamoku. Ia kena kehine la ulono kemaakala kinokama aia.

Jesus ekaohi kelima kamaliꞌi la, kena ime aꞌe, “{Talitha Kum}.” (Emea ma, “Kamaliꞌi hine, anau eme aku aꞌoe imasiꞌe iluna.”)

Kulana Jesus ekakala penei, alakama kehale Jairus uo nome aꞌe kama la, “Aꞌoe iseme aꞌe keRabai na ikonaꞌi kamaliꞌi hine aꞌoe la, kamaliꞌi la umake.” Ia Jesus sehakekele hea nakama la ekakala la. Emeia Jesus eme aꞌe Jairus, “Aꞌoe isehakekele, hakina oia.”

Kipua la ekakala penei, maikinimea Jesus ume aꞌe aia, “Kipua saꞌino, o ikaha ma kama na.” Jesus evasili aꞌe kama la, “Oai kemale aꞌoe?” Ia kipua la eme aꞌe Jesus, “Anau emale ma ‘Komaꞌi,’ maikinimea makou ekomaꞌi haeꞌo.”