Popular Bible Verses from Matthew 5

Share

Kekama ehaula keahi selavaa keko keumeke noꞌuhi kemela. Kama la ihaaku keahi la iluna, imasina hale la hakoa. Okou ehau poi keahi la. Okou ihuli aꞌe naola kaualeꞌa okou, pela nakama hakoa iꞌike namea kaualeꞌa okou epena, kena ihamaha Kamana okou i kevaelani.

“Okou ehau poi keahi kela ehamasina kemaalama nei. Ame nikama ehaaku kemakaꞌina iluna kuku, kemakaꞌina la selavaa ihunaa lia.

Nakama kela emakahua i nahakumanava lakou mehakapu lia Keakua. Maikinimea nakama la meiꞌike Keakua.

Nakama kela ehai namahi lakou pela naola lakou ikonu kahi, nakama la mehakapu lia Keakua. Maikinimea naola lakou meiꞌakoa.

Ia anau eme aku okou pela, laoi nakama haihai manava ma okou. Loku aꞌe Keakua ikonaꞌi nakama ekahao sala ma okou.

“Nakama kela ekipuaina pela lakou ehaaloha mehakapu lia Keakua. Maikinimea kenoholana kevaelani heꞌina nakama la.

Nakama kela enoho halaoi ma alakama mehakapu lia Keakua. Maikinimea nakama la nikamaliꞌi Keakua.

Nakama kela epali mehakapu lia Keakua. Maikinimea Keakua meihapoꞌi aꞌe nakama la.

“Alakama meikahao sala nakama ekonu. Ia nakama ekonu la mehakapu lia Keakua. Kenoholana kevaelani heꞌina nakama la.

Nakama kela ehaialoha alakama mehakapu lia Keakua. Maikinimea Keakua meihaialoha lakou.

“Okou mehakapu lia Keakua. Alakama mekakala halihu aku i okou, ia ekamoa haeꞌo okou, ia mememe haeꞌo kia okou, maikinimea okou ekaukali mai anau. Ia nakama la nimeme haeꞌo kia nakama hakae nakakala Keakua imua ehau pela hoi. Ia okou ekau kehihia oia, maikinimea kuhana elahi okou emoe mai i kevaelani.

Nakama pasemuu mehakapu lia Keakua. Maikinimea Keakua meihoꞌi aꞌe kemaalama nei hakoa i nakama la.

“Okou ehau poi ke{solt} kemaalama nei. Ia poi ke{solt} la evaisaa, kemela ame mala pehe? Kemela usehaimahi, ekau kepesia ikaha ikakaꞌa lia nakama oia.

Okou ekau kekonu kahi, ihau poi Kamana okou i kevaelani la ekonu kahi.

Poi aꞌoe emea ma ‘ino’, kena kakala pela ‘ino’ oia. Ia poi aꞌoe emea ma ‘seai,’ kena kakala pela ‘seai’ oia. Poi okou ehapaa komaꞌi nakakala iluna ‘ino’ ia ma ‘seai’, kena nimea saꞌino.

“Okou elono hoi nakama imua emea pela, ‘Poi hekama evuhu keꞌalemaka aꞌoe nosaꞌino, kena aꞌoe uvuhu muli keꞌalemaka kama la isaꞌino hoi. Poi hekama evuhu keniho aꞌoe nomaoki, kena aꞌoe uvuhu muli keniho kama la imaoki hoi.’ Ia anau eme aku okou pela, okou isevuhu muli kekama saꞌino kela ehakaukau olua. Poi hekama evuhu papaiaha aꞌoe, huli aku kela papaiaha ivuhu kama la hoi.

Pena keꞌalemaka kevahi laua aꞌoe la emea aꞌoe nohaisala, ape keꞌalemaka na ikaha nopesia. Ekaualeꞌa kepesia kamaꞌina kinokama aꞌoe ikaha. Aoki Keakua meilaku kinokama aꞌoe la hakoa i keꞌina keahi. Pena kelima laua aꞌoe emea aꞌoe nohaisala, kuu kelima aꞌoe na ikaha nopesia. Ekaualeꞌa kepesia kamaꞌina kinokama aꞌoe ikaha. Aoki Keakua meilaku kinokama aꞌoe la hakoa i keꞌina keahi.