Popular Bible Verses from John 14

Share

“Anau mekonaꞌi okou inoho laoi. Kenei kipukipu kenoho laoi anau. Ia nakipukipu anau nei sehau ma nakipukipu nakama kemaalama nei. Kena okou isekipuaina, ia semakaꞌu.

Ko Jesus ime aꞌe kama la, “Anau o keala hamaoni keola. Anau sonau o keala hokahi kela ehanokae Kamana.

Kena Jesus eme aꞌe nakama kaukali aia la, “Okou isekipuaina. Hakina Keakua ia hakina mai anau hoi.

Kamana anau la mehaunalia iho Keanana Kapu i namahi anau, nohapoꞌi okou. Kama la meiaoaꞌo aku okou namea hakoa, imanaku mai okou namea hakoa kela anau nikakala aku i okou la.

“Poi hekama ehalono nakakala anau, kama na elaoi hamaoni anau. Kena Kamana anau la melaoi kama na. Ia anau melaoi kama na, kena ihuli aꞌe kama na nakipukipu anau.”

Kena anau meiainoa aꞌe Kamana iau aku kelaa kama ihapoꞌi okou, ia inoho kahi ma okou naualoko hamau. Okou emakino Keanana hamaoni la, maikinimea kama la enoho ma okou, kena meikakaꞌa ma okou. Ia nakama kemaalama nei sehihai kama la, maikinimea nakama la seꞌike kama la, ia semakino nakipukipu kama la.

Kena anau meihuli aku hea okou ainoa mai i kemale anau la, pela ihuli aku namahi Kamana. Poi okou eainoa mai nimea i kemale anau, kena anau meihuli aku namea la.

“Poi okou elaoi anau, okou meihalono hea anau eme aku okou.

Napuikana kehale Kamana anau la ekomaꞌi. Anau mehaele nokanakana niꞌina ma okou. Kakala nei ehamaoni, kela hea anau ekakala aku okou penei.

Anau mehaele nokanakana niꞌina ma okou. Kena anau meivaꞌai mai muli noko okou io manau inoho keꞌina anau la.

Ko Thomas ime aꞌe kama la, “Kealiꞌi. Makou semakino keꞌina aꞌoe meihaele na. Ia makou meailoa pehe keala na?”