Popular Bible Verses from Izaga zikaSolomoni 16

Share

Shiya imisebenzi yakho kuJehova, khona-ke imicabango yakho iyakuma.

Inhliziyo yomuntu iceba indlela yakhe, kepha uJehova uqondisa izinyathelo zakhe.

Amazwi amnandi anjengekhekheba lezinyosi, amnandi emphefumulweni, ayimpiliso emathanjeni.

Ukuzindla kwenhliziyo kumuntu, nempendulo yolimi ivela kuJehova.

Obekezelayo ungcono kuneqhawe; nobusa umoya wakhe njengalowo othumba umuzi.

Ukuzidla kwandulela ukubhujiswa, nomoya ozidlayo wandulela ukuwa.

Zonke izindlela zomuntu zihlanzekile emehlweni akhe; kepha uJehova uyalinganisa imimoya.

Ophatha indaba ngokuhlakanipha uyakufumana okuhle; nowethembayo uJehova ubusisiwe.

Ingcosana enobulungisa ingcono kunenzuzo enkulu engenabulungisa.

Kukhona indlela ebonakala ilungile kumuntu, kepha ukuphela kwayo kuyindlela yokufa.

Umuntu oyisiwula uhlanyela ukuxabana, lomhlebi wehlukanisa abangane.