Popular Bible Verses from U-Isaya 35

Share

Abahlengiweyo bakaJehova bayakubuya, beze eSiyoni behlabelela, benokuthokoza okuphakade emakhanda abo; ukujabula nokuthokoza kuyakutholwa, kubaleke usizi nokububula.

Qinisani izandla ezibuthakathaka, niqinise amadolo abuthakathaka. Khulumani kwabesaba inhliziyo ukuthi: Qinani, lingesabi; bhekani, uNkulunkulu wenu uyeza nempindiselo, uNkulunkulu enempindiselo; uzoza anisindise.

Kuyakuba khona umgwaqo omkhulu nendlela, futhi iyobizwa ngokuthi, indlela yobungcwele; ongcolileyo angadluli phezu kwayo; kepha kuyakuba ngabo: abahambayo, nakuba beyiziwula, abayikuduka ngakho.

Khona amehlo ezimpumputhe ayakuvulwa, zivulwe nezindlebe zabayizithulu.

Khona oyisishosha uyakugxuma njengendluzele, nolimi lwesimungulu luyakuhuba, ngokuba kuyakubhoboka amanzi ogwadule, nemifudlana ehlane.