Popular Bible Verses from Luka 7

Share

Ihwania eramak ni iye jo ahohinie eyyata honyi hun olwaji nyo omuno inyi ani bebe. Ati lya al ahohinie eyyata hun omutari omuta namuno honyi bwo fe. Attati inyi jaran jyo aŋotte, Ahohinie eyyata hoi.

Attati Yesu jaran jyo aŋotte, Italahu eruk hoi iye. Ilo te elik taji.

Ette inyi wotya ihorwoŋ Yesu iger hejek honyi ette ’yo. Oyihi inyi eyyo ihejek Yesu ette ifufus to ofir honyi ette jur ejek honyi bwo ette iyalyo ta arya.

Bwo abeŋ ni asiru ilari jihoi. Ati ikyanai te etuk bwo oŋida adi apit hoŋ. Nyo aniŋyo ni eleittok hoŋ bwo oseŋer hoŋ oniŋye ani. Aremik ni jaran jyo obo, Ilo, bwo inyi ette leten; bwo fe jyo lobo, Waŋ, bwo inyi ette ’tuna; bwo ajo ni jyo apit hoŋ, Ihanie ania, bwo inyi ette ihanio. Itaniŋu Yesu ana, illilliha inyi ette yito jyo eluluŋ wati ninya ijifatyo’to inyi ojo, Eramak ni itai, ara dwo bu jyo Israele abeŋ ni anyurak obo neruk on obolo ihwa ana.

Ta asaa to nya itaŋida Yesu aati t’eŋwati hosi bwo fe ifuhak inyi ajohin hun orrohoji’to. Jyo hya hul oŋodoi’to isyo inyi amijo. Bwo inyi ette itarraŋ jihosi ojo, Ifwatta iramana Yoane erre hun igonyuna tai bwo fe hun itaniŋuna tai. Omijye aŋodok, adahai aŋurak, oŋidari aati ’tallulu, itaniŋye atuhok, ibuhuni ayak bwo fe ittiyenie asayyo hun oyiji jyo alocaŋak.