Popular Bible Verses from Marika 9

Share

Sa qai kaya vua ko Jisu, Kevaka ko sa vakabauta rawa, sa rawarawa na ka kecega vua sa vakabauta.

Sa qai tabalaka vakasauri na domona na tama ni gone, a sa kaya, ia ka vakawai na matana, Turaga, au sa vakabauta; vukea na noqu tawa-vakabauta.

Ia ni sa curu ki vale ko koya, sa tarogi koya lo ko iratou na nona tisaipeli, E na vuku ni cava keitou sa sega ni vakasavi koya tani rawa kina? A sa kaya vei iratou ko koya, O ira vakaoqo era sa sega ni vakasavi tani rawa, a ya ga e na daumasu kei na daulolo.

A masima na ka vinaka: ia kevaka sa takali mai na masima na kena tuituina, ena vakatuituinataki e na cava? Me tu ga e na lomamudou na masima, dou veilomani talega vakai kemudou.

0 koya yadua ena vinakata e dua na gone lailai vakaoqo e na vuku ni yacaqu, sa vinakati au; ia ko koya yadua sa vinakati au, sa sega ni vinakati au ga, ko koya talega sa talai au mai.

Ia ko koya yadua ena solia vei kemudou e dua na bilo wai mo dou gunuva, e na vuku ni yacaqu, ni dou sai tokani i Karisito, au sa kaya vakaidina vei kemudou, ena sega ni yali na kenai sau vei koya.

Ia ko koya yadua ena vakacala e dua vei ira na lalai o qo era sa vakabauti au, sa vinaka cake vua kevaka sa vakarubeci e domona e dua na vatu i qaqi, ka biu ki loma ni wasaliwa.

Ia kevaka sa vakacalai iko na matamu, vecuka tani: sa vinaka vei iko mo curu ki na matanitu ni Kalou ka dua bauga na matamu, ka ca me rua na matamu ka mo biu ki na eli sa waqa kina na buka