Popular Bible Verses from Joni 19

Share

Ni sa qai gunuva na wai wiwi ko Jisu, sa kaya, Sa oti: a sa da-mele na uluna, ka vakalaiva yani na yalona.

Ni sa oti o qo, a sa kila ko Jisu ni sa oti na ka kecega, me vakayacori kina nai Vola, sa kaya, Au sa viagunu.

Ni sa qai raici rau ko Jisu, na tinana, kei na tisaipeli ka tu voleka, o koya sa lomana ko koya, sa kaya vei tinana, Yalewa, raica na luvemu! Sa qai kaya vua na tisaipeli, Raici tinamu! Ia mai na tiki-ni-siga ko ya sa kauti koya ko na tisaipeli ko ya me rau tiko vata.

Ia ni ratou sa lako mai vei Jisu, ka raica ni sa mate sara tu, era sa sega ni musuka na yavana: ia ka sa coka na sarisarina e dua na tamatai valu e na dua na moto, a sa dave vakasauri maikina na dra kei na wai.

Ni sa caka na veika o qo, me vakayacori kina nai Vola, Me kakua ni musuki e dua na suina. Ia e dua tale na tiki ni Vola sa kaya, Era na raici koya era sa coka.

A sa colata na nona kauveilatai ko koya, ka lako yani ki na tikina sa vakatokai Na yasana ni qavokavoka, a sa vakatokai e na vosa vaka-Iperiu, ko Kolikoca

A sa talia e dua nai sala wa-vakavotona ko ira na tamatai valu, ka vakaisalataka kina na uluna, a ra sa vakasulumi koya e na dua nai sulu damudamu