Popular Bible Verses from Joni 15

Share

Oi au na vaini, oi kemudou na veitabana: o koya sa tu vei au, koi au talega vei koya, sa vua vakalevu ko koya: ke dou sa tawase tani vei au, dou sa sega ni rawata e dua na ka.

Dou tu vei au, kaʼu na tu vei kemudou. Me vaka sa sega ni vua rawa na tabana vakai koya, kevaka sa sega ni tu kei na vaini; ena vaka talega kina koi kemudou, kevaka dou sa sega ni tu vei au.

Kevaka dou sa tu vei au, a sa tu vei kemudou na noqu vosa, dou ua kerea na ka dou sa vinakata, ia ena yaco vei kemudou.

Dou sa sega ni digitaki au, ia kaʼu sa digitaki kemudou, ka lesi kemudou, mo dou lako ka vua mai, me tiko talega na vuamudou; me solia kina vei kemudou ko Tamaqu na ka kecega dou na kerea vua e na yacaqu.

Sa sega ni uasivi cake e na ka o qo na loloma ni tamata e dua; me virino na nona bula e na vukudra na wekana.

A tabaqu kecega sa sega ni vua, sa kauta laivi yani ko koya: ia ko ira kecega sa vua, sa samaka ko koya, me ra vua vakalevu sara.

Sa noqu vunau o qo, Mo dou veilomani, me vaka kaʼu sa lomani kemudou.

A ka o qo sa vakarokorokotaki kina ko Tamaqu, ni dou sa vua vakalevu: ka dou na noqu tisaipeli.

OI au na vaini dina, ka sai vakatau-ni-were ko Tamaqu.

Kevaka sa sega ni tu vei au e dua, sa biu laivi me vaka na taba ni vaini, a sa malai mai; a ra sa tomiki, ka biu ki na buka waqa, ka visa.

Au sa vosataka na veika o qo vei kemudou, meʼu sa marau tikoga e na vukumudou; ka me sinai na nomudou marau.

Kevaka dou sa talairawarawa ki na noqu vunau, dou na tiko ga e na noqu loloma; me vaka kaʼu sa talairawarawa ki na vunau nei Tamaqu, ka tiko gi e na nona loloma.

A veika o qo kaʼu sa vakarota vei kemudou, mo dou veilomani.

Kevaka dou sa vakavuravura, ena lomana na kai nona ko vuravura; ia e na vuku ni dou sa sega ni vakavuravura, ia kaʼu sa digitaki kemudou mai vuravura, sai koya o qo sa cati kemudou kina ko vuravura.