Popular Bible Verses from Ai Vola I Isaia, na Parofita 60

Share

MO tu cake, mo rarama mai; ni sa yaco mai na nomu rarama, ia nai ukuuku i Jiova sa cadra mai vei iko.

a veimatanitu, era na lako e na nomu rarama; kei ira na tui, e nai serau ni kemui cadracadra.

Io, raica, na butobuto, ena ubi vuravura; kei na butobuto levu, na veimatanitu; ia vei iko, ena cadra mai ko Jiova; kei na nonai ukuuku, ena raici ni sa cilavi iko

O koya sa lailai, ena yaco me udolu; kei koya sa gone, me matanitu kaukauwa: oi au ko Jiova, kaʼu na vakusarawataka e na kena gauna.

Ena sega tale ni nomu rarama e na siga na mata-ni-siga; na vula talega, ena sega ni cila mai me nomu rarama: ia ko Jiova ga, ena nomu rarama ka tawa mudu; kei na nomu Kalou, na nomui ukuuku.

Ena sega ni dromu tale na nomu mata-ni-siga, a nomu vula talega ena sega ni dromu: ni sai Jiova ena nomu rarama ka tawa mudu, ia ena oti ga na siga ni nomu tagi.

O na qai raica, ka mate e na rereki; ia na lomamu, ena cegucegu ka rabailevu mai; ni na lesu mai vei iko na kamunaga ni Wasawasa; ia nai yau ni veimatanitu, ena lako mai vei iko.

Ta cake e na matamu, ka raica voli: o ira kece, era sa soqoni vata ga, era sa lako mai vei iko; a luvemu tagane, era na lako vakayawa mai; kei ira na luvemu alewa, era na roqoti mai e na sarisarimu.

O ira na nomu tamata, era na yalododonu kecega: ena tawa mudu na nodra taukena na vanua, na suli kaʼu a tea, na cakacaka ni ligaqu, meʼu vakarokorokotaki kina.

Ena sega ni rogoci tale nai valavala kaukauwa e na nomu vanua, se na rarawa se na rusa e na nomui yalayala; ia ko na vakatoka na nomu bai me Bula, kei na nomu matamata-ni-koro me Vakavinavinaka.

Ia na nomu matamata-ni-koro ena dola tu ga; e na siga kei na bogi ena sega ni sogo, me kauti mai kina vei iko nai yau ni veimatanitu, kei ira na nodra tui ka ra tuberi mai.

A kameli sa vuqa wale, ena luvuci iko; na luve ni kameli ni Mitiani kei Efa: o ira kecega mai Sepa, era na lako mai; na koula kei na ka boi vinaka, era na kauta mai; kei na vakavinavinaka vei Jiova ena nodrai tukutuku vinaka.

Ena viria na nomu bai ko ira na kai tani, ia ko ira na nodra tui era na qaravi iko: niʼu a cudru, kaʼu a yaviti iko, niʼu sa loloma, kaʼu na yalolomani iko.

Io, ni ko a vakalaivi ka cati, ka sega e veilakovi kei iko, kaʼu na qai cakavi iko kina me ka lagilagi ka tawa mudu, me nodra ka ni marau na veitabatamata kecega.

O na sucuma na nodra wai-ni-suou na veimatanitu, ia na sucudra na tui ko na sucuma: o na qai kila ni sai au ko Jiova na nomui Vakabula, ni sai Koya ka voli iko na Kaukauwa nei Jekope.