Popular Bible Verses from Malke 13

Share

"Ne 'neɛ 'tɔ "me 'nyakpa 'klekle yi 'ce 'anye 'gble, -mɔ, -ɔ kɛ 'ce 'dleku "tamale- -kaa "ne lɔbhɔ kɛ 'ple- ne, Lagɔ yu 'ce 'fuɔ.»

Zaa, 'a te -kɛ ŋɔŋo, -se 'a te -kɛ 'ayi "ku 'dlule-. "Naa-, 'a "ne -sɔɔdɛku 'ɛ "kɛ yi -wɛ -yi zɛ.

"Ne 'wa yi 'ce 'anye gbobhlezejilɛ "ku kɔme-. Zaa, 'a te -kɛ no nɛɛ: -See -a "kɛ bhɔ lɛ. -Mɔ, Lagɔ yi 'ce 'anye weli -ye 'a "kɛ bhulɛ- -wɛ 'dleku "pɔ 'ɛ dɛ -wɛ "ku. "Naa-, 'anye -gba 'cɛ bhulɛ-, -mɔ, Zuzu Wlewle 'cɛ 'ce -lɔ 'anye -gɛ bhulɛ-.

"Nɔgɔ -nyɛ dodo "bhaa yi 'ce "kubhiɛ, -mɔ, 'neɛ weli -ka 'ce "kubhiɛ.»

«-Mɔ, "ɛ 'yli -wɛ -nyɛ 'gle -wɛ "bhaa, 'nyɔkpɔ "ne -kɛ -yi, "nɔgɔzilia, -wa -ko Lagɔ yɔko "ne -yi. Yu "ne -yi. 'Ɛ "mɔ -kɛ To 'ɔyikɔ -bholo -kpee yɔ.

"Ne 'A yi 'ce to 'na -ɛ tlo dɛ "ne -ɛ "ne dɛtlo -wɛ 'na weli 'no. 'A te -kɛ "gu! -Ɛwɛ 'klekle sɔbhɔ 'ye 'ɛ "kɛ -lɔ ylɛle-, -Mɔ, 'Ɛ "ne -mlɛ -kɛ zikpɛ 'na "kubhiɛ -zle yɛ.

Zaa, 'anye 'klekle 'a 'gɛleme- -kɛ 'ylime, "naa-, 'a "ne -kɛ -bhudubhenyɔ 'na yi -zle -yi zɛ. -Mɔ, "kugbɛdeku yɛ -oo, zle -jijɛ "ku yɛ -oo, -dee 'nunu 'pɔle weli -wɛ yɛ -oo, zegbakpɔ "me yɛ -oo, 'a "ne -la 'sɛ -yi. 'Ɔ kɛ -kɛ 'anye 'vu-, 'ɔɔ te -kɛ 'lelee 'anye -gbliylɛ "me ylele-. 'Anye 'klekle 'ye 'e bhulɛle -lɔ nɛɛ: 'A 'gɛle- -kɛ 'ylime, -mɔ 'a te "kɛ 'ŋɔŋo.»

"Naa-, 'du 'na -ɛwɛ -nyɛ 'du 'na -ɛwɛ "bhaa 'wa yi 'ce gwe. -Klɔgbɔdu -nyɛ -klɔgbɔdu "bhaa yi 'ce gwe, "ne -glɔ 'na -bedi "ku ŋɔŋo yi 'ce "bhle yi, "ne dodo yi 'ce tɛtɛle-. -Ɛwɛ 'klekle yi 'ce lele- sɛgbɛɛ 'gwɛlelɔbhɔŋɔnɔ 'na tɛtɛ -gbapeɛ.

"Naa-, Lagɔ 'na 'Denaade -sɛleɔ -na 'nyakpa 'klekle "bhuɔ.

'Nyakpa -kwleyia yi 'ce yi "ne 'wa yi 'ce 'neɛ 'tɔ "ku 'libhi, "ne 'wa yi 'ce no -gbɔ: -Ame yɔ -lɔ. "Ne 'wa yi 'ce 'nyakpa -kwleyia 'kwlɛ bhlia-.

'A 'fo 'ce -ɛ "kɛ 'anye yle -wɛ 'na weli 'yukwli 'tee! "Naa-, 'wa yi 'ce 'anye gbobhle-bhudu "me "ne "mebhubhɔlebhudu "me kɔme-, "ne 'wa yi 'ce 'anye 'lɔbhɔ, 'wa yi 'ce 'anye 'kamalenyɔ "yitɔ -nyɛ -klɔgbɔnya 'wɔ "bhaa 'yliku kɔme- 'neɛ za, "ne 'a yi 'ce 'neɛ -wayeɛdɛ "zo 'wayi 'yliku.

"Naa-, 'nyakpa yi 'wayi Ŋwlɛŋwlɛnya la, "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛ kɛ nɛ -kɛ 'bhɛle-, 'ɛ yi nɛ -kɛ 'nyakpa -ye Lagɔ -sɛ lɔbhɔ -wɛ 'nabhɛ 'kwlɛ bhlia-.

"Ɛ 'yli -wɛ "me 'nyakpa yi -kɛ 'gbape kpɛnyee, 'ɛyi -wɛ kɛ 'ple- "bhuɔ ne, ylo -ka "po, 'ce -ka le. -Zeli yi zɔ bhli "ne "nɔgɔ "me 'na -li 'klekle -ɛ kɛ "bhle -ko yi tɛtɛle-.