Popular Bible Verses from Matie 24

Share

-Ɛwɛza, "nyɛnye yi 'ce zimale- kpɛnyee, "ne 'nyakpa -kwleyia 'na 'ŋwɛnɛ yi 'ce "ku -seliɔ. -Mɔ, -ɔ kɛ 'ce 'dleku "tamale- -kaa "ne lɔbhɔ kɛ 'ple- ne, Lagɔ yu 'ce 'fuɔ.

"Ɛ Lagɔ 'na 'Kamalezikpɛ "me 'na 'Denaade -wɛ 'wa 'yi 'ce -glɔ 'klekle zɔ -sɛle. "Ne -wa "ne Lagɔ -yi 'klekle -wɛ 'yi 'ce "me no. "Ɛ doɔ 'ye zikpɛ 'na "kubhiɛ dɛku "kɛ -lɔ ylɛ.»

'A yi 'ce to 'na -ɛ tlo dɛ "ne -ɛ "ne dɛtlo -wɛ 'na weli 'no. Zaa, 'a 'luɔ- -kɛ! 'A te -kɛ "gu! 'Diɛɛ, "ɛ -ɛwɛ 'klekle sɔbhɔ 'ye 'ɛ "kɛ -lɔ ylɛle-. 'Ɛ "ne -mlɛ -kɛ zikpɛ 'na "kubhiɛ -zle yɛ.

"Naa-, 'du 'na -ɛwɛ -nyɛ 'du 'na -ɛwɛ "bhaa 'wa yi 'ce gwe. -Klɔgbɔdu -nyɛ -klɔgbɔdu "bhaa yi 'ce gwe, "ne -glɔ 'na -bedi "ku ŋɔŋo yi 'ce "bhle yi, "ne dodo yi 'ce tɛtɛle-. -Ɛwɛ 'klekle yi 'ce lele- sɛgbɛɛ 'gwɛlelɔbhɔŋɔnɔ 'na tɛtɛ -gbapeɛ.

"Nɔgɔ -nyɛ dodo "bhaa yi 'ce 'ple. -Mɔ, 'neɛ weli -ka 'ce "kubhiɛ.»

"Naa-, 'nyakpa -kwleyia yi 'ce yi "ne 'wa yi 'neɛ 'tɔ "ku 'libhi "ne 'wa yi 'ce no nɛɛ: -Ame Ŋwlɛŋwlɛyu 'mɔɔ ne lɛ, 'wa yi 'ce 'nyakpa -kwleyia 'kwlɛ bhlia-.

'Ɛ dɛ -wɛ "ku, 'wa yi 'ce 'anye 'ple "ne 'a yi 'ce 'kle 'ye, "ne 'wa yi 'anye 'lɔbhɔ, "ne 'a yi "ku. -Wa "ne Lagɔ -yi 'klekle yi 'ce 'anye 'gble 'neɛ za. "Ne 'nyakpa -kwleyia 'na -wa -kɛ nɛ Lagɔ 'dleku -wɛ, yi 'ce 'ɔ lo -sɛ. 'Wa yi 'ce ylo 'nonole-, "ne 'wa yi 'ce 'gblegblele-. 'Nyakpa 'na -wa -noɔ "guɔkwɔmenya -gbeyia 'waa -wɛ yi 'ce yi "ne 'wa yi 'ce 'nyakpa -kwleyia ylo no.

"Ne Zezu yua -lɔ bhulɛle- nɛɛ: «'A 'luɔle- -kɛ 'ayi "ku! 'Nyɔkpɔ te -kɛ 'anye ylo no.

-Ɛwɛza, 'anye ne, 'a luɔ-, "naa-, 'a "ne -sɔɔdɛku 'Nyɔkpɔ Yowli "kɛ yi -wɛ -yi zɛ.»

Zaa, 'a 'gɛle- -kɛ 'yli "me, "naa-, 'a "ne -kɛ 'yli 'na -ye Anyinɛnyɔ "kɛ "me yi -wɛ -yi zɛ.

«-Mɔ, "ɛ 'yli -wɛ -nyɛ 'gle -wɛ "bhaa, 'nyɔkpɔ "ne -kɛ -yi, "nɔgɔzilia, -wa -ko Lagɔ yɔko "ne -yi. Yu "ne -yi. 'Ɛ "mɔ -kɛ To 'ɔyikɔ -bholo -kpee yɔ.

"Naa-, 'nyakpa yi 'wayi Ŋwlɛŋwlɛnya la, "ne "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛnɛɛ 'bhɛloɛ 'ɛ yi nɛ -kɛ 'nyakpa -ye Lagɔ -sɛ lɔbhɔ 'nabhɛ -wɛ 'kwlɛ bhlia-.

-See 'ɛ -ylɛle 'ce Nowe 'na zle -wɛ, 'Nyɔkpɔ Yowli 'na yi -zle sɔbhɔ 'ye 'ɛ "kɛ 'ce -lɔ ylɛle- -me. "Naa-, -dee -ziɛziɛŋu -ɛ -lɔbhɔ "ne 'ɛ libhi- dodo "ku -na nɛ lɔbhɔ -wɛ, 'nyakpa li nɛ "ne 'wa 'nɔmɔ nɛ, 'wa plɛ 'awɔ 'sue "ne 'wa 'je 'awɔ 'wanɛɛ 'ŋuyua 'widia, -kaa "ne Nowe yi 'awɔ -lɔ gɔlo didigbegwli "me "gblɛ. "Ne 'nyakpa "ne 'awɔ "me 'no-, "ne -ziɛziɛŋu -ɛ -lɔbhɔ "ne -ɛ libhi- dodo "ku -wɛ yua -lɔ vu, "ne 'ɛ yua -lɔ 'wli 'bhia- -dɛgbɛɛ. Zle 'Nyɔkpɔ Yowli kɛ 'ce -yi, "ɛ sɛbhele -wɛ 'ye 'ɛ "kɛ 'ce -lɔ ylɛle-.