Popular Bible Verses from Luke 6

Share

'A "nyɛ 'alua -se Lagɔ "kɛ -kɛ 'anye "nyɛ me. 'Wa yi -neɛ' "me sɛlelemɔ 'yiɛ, 'wa 'yi "ku ko, 'ɛ "kɛ yɔko 'kwlile-. "Naa- -ye 'a wɔkɔle 'alua -nɛ "me -wɛ, 'ɛyi 'wa "kɛ 'ce -lɔ 'anye -nɛ "me 'wɔkɔle- -me.

'Nyɔkpɔ kɛ 'nɛne, -li 'na "namanɔ -ɛ 'yiɔ- 'dlezɔ -wɛ 'ye 'ɔ 'wlɛ -lɔ zɔ. 'Nyɔkpɔ kɛ "nyɛnye yɔ ne, -li -nyɛnye -ɛ 'yiɔ- 'dlezɔ -wɛ 'ye 'ɔ 'wlɛ -lɔ zɔ.

Zaa, 'a wamale- 'anyɛɛ -gblenya. -Se 'a 'noa 'nɛne 'wli. -Ye 'wa bho 'anye -wɛ, 'wa 'wlɛ- -se 'a te lebhe gwele keyi "zo. 'Anyɛɛ peɛloɛ yi 'ce 'kpɔmale-. "Ne 'wa "kɛ -lɔ 'anye "ku zi Lagɔ 'na yua la. "Naa- 'ɔ -ko 'nɛne konyinɛnya za, "ne -wa "ne yibhlele- 'nɛne -wɛ za.

'A wɔtɔ- 'dle -see 'a To Lagɔ -wɔtɔ 'dle -wɛ.

'A te 'alua gbobhlele- -se Lagɔ te -kɛ 'anye gbobhlele- -me zɛ. 'A te kɛ 'alua gbo 'wlime "gbli, -se Lagɔ te kɛ 'anye gbo 'wlime "gli me. 'A 'tale- kɛle 'yi -se Lagɔ "kɛ 'anye nɛ 'yitale- -me.

-Mɔ 'anye fo -ame 'yukwli ne, 'anye 'ye 'e bhulɛle sɛne: 'A wamale- 'anyɛɛ -gblenya, -se 'a 'noa 'nɛne 'wli. -Wa bhle 'anye "ku -wɛ, 'a 'poa 'ŋu, 'a bhubhɔ- -wa nyimɔ 'anyɛɛ 'tɔ -wɛ za.

-Ye 'a 'yɔbhɔ -gbɔ 'wa no 'anyɛɛ za -wɛ, 'a no -me sɔbhɔ 'alua za.

'Nyɔkpɔ kɛ -neɛ' -takpe kwlɛ 'pɔ-, tuɔ- -me 'lelee 'ɛnɛɛ "sɔ -nɛ. 'Nyɔkpɔ kɛ -neɛ' "meplakoti "ku libhi- ne, 'jo mo 'lelee -neɛ' "kupɔlokwi kɔ. -Ɔ kɛ -eyi zlɛ, "nyɔ. -Ɔ kɛ -neɛ' -bɛɛ' "ku libhi-, te no -gbɔ 'ɔ 'je -eyi kɔ.

Su 'na "namanɔ "ne tlo -la 'bhinyɛnye. Su 'na "nyɛnye "ne tlo -la bhi 'na "namanɔ.

Su, 'ɛnɛɛ bhi -za 'wa yibhlele -lɔ. 'Wiyɛsu 'yli 'wa -na fige 'na yɛ -sɛ, "ne -kpɛcɛ 'yli 'wa -na -la ylɛzɛ 'na yɛ -sɛ.