Popular Bible Verses from Maruku 16

Share

De wataere ibooto de ahao onangika wahibehehongo wato, “Ngini naa kiani niloiki o dunia ma amokika de niahingahu-ngahu o Abari ma Rorahai naa o nyawa mata-mataika.

Abe ona ihingaku-ngaku, ona gea ahao o dodunguu irupa-rupa tahidoaka onangika. Abe ona yakunu ihitito-titoko o tokata ma dorou o nyawaino abe ma titi ahi romanga yafetongo. De nagali abe ona ihingaku-ngaku de yakunu yotemo-temo o nyawa manga demo, abe ko to onangua manga demo. De nagali abe ngaro o dodiha yagoraka eko o akere yarasonguku de yaokere, ma ko yadodoaua. De onangoka naga manga dodunguu moioli, abe nako naga o nyawa yopopanyakeuku de ihingaku-ngaku yafokumu onangika de ona gea ahao yakunu yahitogumu manga popanyakeino.” Hokogea o Yesusu ai behehongo iwinii-niikika.

De onagona dika abe yongaku de yaohiki, ona gea Ma Jou wahihoheoka manga hohowonino. Masara ona gea abe ko yongakua, ona gea ahao Ma Jou wahohowono.

De wigoraka ibooto de ahao o Yesusu iwinii-niiki ona yoiki yahingahu-ngahu o Abari ma Rorahai o dunia ma amokika. De abe ona yahingahu-ngahu manga gogiriaka de ona gea ka ihikaika nanga Baluhu idodutu waduhunu abe manga hingahu gea wahitaana de ma dodunguu. Abe ona o Yesusu wahiakunu la ka akunu o heheranga ma dodunguu gea yodiai o nyawa manga hima-himangoka.

Masara una wotemo onangika wato, “Ufa nihawana angamoi ngohi tohiorikoka ngini niwilingiri o Yesusu o Nasarete ma nyawa, abe Una gea iwihohonengoka o gota isosalioainoka. Niwilingiri naangoka masara Una gea womomikoka! Abeika ai dingii o kiaka iwikelengauku, Una ko iwiwa nenangoka.

De yomahiadonika o lungunoka de amake ma hakaru kohaamoko gea iluluokau. De ahao yowohamika o lungunoka de naga iwimake womatengo abe ka o goduuruohi wogogeruku manga nirakoka, de to una ai baju duru iarehe. De o ngo-ngofeka gea duru yatodokana.