Popular Bible Verses from Matius 27

Share

Tettek tallui karuen, metambami Puang Yesus nakua: “Eli, Eli, lama sabakhtani?” Kalembasanna: “O Dewatangku, O Dewatangku, maakari ammu tampena'?”

Attu iatoo, sampin pesapa' illalan Banua Ada'na Puang Allata'alla sesse' tipa'dua mengkalao yao sae rokko. Pandondan padang napobua' lino' kamai anna piak-piak batu. Buda lokko' titungka', buda toi duka' petauanna Puang Allata'alla to mangkamo mate dipatuo sule.

Napemandui polemi metamba anna mane kattu penawanna.

Marea' asammi tantarana Roma sola ponggawana to marassan undagai Puang Yesus anna ussa'dingmo lino' kamai anna ummita angganna inde kadadianne, lambisan ma'kada nakua: “Manassa Anakna tongan Puang Allata'alla inde taue.”

Tangngai allo, malillimmi padang illalan lili'na lembang iatoo sae lako tettek tallu karuen.

Nakuamo Pilatus: “Ianna susi too, aka la kupogau' lako inde Yesus sidikuaan To dibassei bayu-bayu la ma'pasalama'e?” Natimba' nakua: “Pasokki lako kayu pantokesan!” Mekutana pole omi Pilatus nakua: “Sapo aka kakadakean mangka napogau'?” Sapo tuttuan sipealo'-alosan nakua: “Pasokki lako kayu pantokesan!”