Popular Bible Verses from Juan 9

Share

Dapat naton nga obrahon ro ginapaobra ku nagpadaea iya kakon samtang adlaw pa, ag may aton pa nga kahigayunan. Kon madueom eon abi hay owa eon it makaobra karon.

Ako ro Iwag nga gatao it kahayag sa paino-ino it mga tawo iya sa kalibutan ag padayon ko sanda nga taw-an it kahayag samtang iya ako sa kalibutan.”

Nagpangutana dayon kay Jesus ro anang mga sumueunod, “*Rabbi, sin-o ro nagkasaea mawron nga natawo nga bulag ro tawo ngara? Imaw baea o ro anang mga ginikanan?” Nagsabat si Jesus, “Ro anang pagkabulag hay bukon it dahil nagkasaea imaw o ro anang mga ginikanan kundi agod ikapakita ro gahom it Dyos sa pagpamayad kana.

Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”